السلام عليكم ورحمه الله وبركاته :
الحقيقه أنا لست بشاعر ولكني أكتب ما أشعر به ، فـأرجو التقييم للإستفاده
يانفس ماحنا عن الوقت راضين
ولا الوقت راضي عننا وإسمعيني
راح العمر خمسه وخمسه وعشرين
ولا أدري وش اللي باقيٍ من سنيني
والعمر لحظه والقدر حق مبين
واللي خفى لابد يوم يبيني
ويانفس لدروب الخطا لاتروحين
درب الخطا يانفس للخاسريني
وحذراك منهم من على الكذب رابين
سود الوجيه اللي على كل ديني
غرتهم الدنيا ونفخ الشياطين
يالين صارو زمرت الغافليني
وعليك باللي حافظ الشرع والدين
أهل التقى ولربهم زاهديني
بيض القلوب الصادقين المحبين
سمح الوجيه لربهم راكعيني
وعينك على اللي لاقسى الوقت مايلين
شيال حمل ولـ الثقيله يعـيني
الله خلق والله فرق بين شخصين
ثم إفرقي بين الغثى والسميني
ولا زاد همك إصبري وقولي أمين
يارب عفوك يا أرحم الراحميني
بإيمان صادق قلب وشعور ويقين
وهذا الفرج لابد يوم يحـيني
ويانفس ماحنا عن الوقت راضين
ولا الوقت راضي عننا وإسمعيني
مرادك اللي يبـهج القلب والعين
مرضات ربك ثم رضى الوالديني .