المحاورة بتاريخ 11/3/1431هـ

ملفي الميزاني
الليله المعنى مايبغا مرحبـا والا سـلام=اما على رأس الجبل والا على قنّه شعيل
ياعايض اللي لاتمام ولاحركـات تمـام=أثرك مانت حليل وانا كنت احسبنك حليل

عايض الحريص
من ضيع السنـه يضيـع فالحـلال وفالحـرام=ياللي حصانك من صلاة العصر جايله صهيـل
قلتلـك خلـك محتـرم لكـن ويـن الإحتـرام=أخذت طبع أهل الحساء وأخذت طبع أهل الجبيل

ملفي الميزاني
وقتن مضى لك يالحريـص لاتلـوم ولاتـلام=لكن تال الوقت جاعت وانفرى حيـد الصميـل
ان كان في راسك حبوب وكان في خشمك عرام=اقلط على الجمره وشلها يالحريـص فالشليـل

عايض الحريص
قلطت ياملفي وأخذت شوي من راس السنـام=وباقي لحمها في صحنها من نصيب ابن السبيل
أنا أشهد إني رافع(ن)راسي وفي صدري كـلام=لكن أنا مدري تشيل الحمـل والا مـا تشيـل


ملفي الميزاني
الذيب لامنـه تعشـا ماتـرك غيـر العظـام=مانته محصلك على دربه يابو فارس حصيـل
قدام ياصلني كلامـك راجـع حسابـك شمـام=وصلت من الوزن الخفيف وشالها الوزن الثقيل

عايض الحريص
اللي لقيته فالصحن مغار من تـال الإيـدام=تعش من سور الصقور معزبك ماهو بخيـل
أبا أزعلك وإن قامت شويهينه أبا أزهم سهام=ليل البناخي هو وخالتـه العتيبيـه طويـل

ملفي الميزاني
تكرم مانبغا لك شراب ولاندور لـك طعـام=يامعزبن دايم وضيفانه تـدور لـه بديـل
ياليت بعـض متعـوذ وسمـى ثـم نـام=والا مدور له من اهل العرف والشيمه دخيل


عايض الحريص
خابرك ضيفاً شرهته سهله لياضاف الكرام=ماله طماعه بالكثير ويقنعه شـيء قليـل
ليافضحك الصبح جمع ما غدالك فالظـلام=واللي يكيل الكيل ماله غير قيمة ما يكيل


ملفي الميزاني
الله يعينك يالحديد ليا ابتدى ضـرب اللحـام=يمكن تعدل يمكن انك من بعد ضربه تميـل
الصبح سولف لي يقول الضرب فالميت حرام=الله يجيب الخير ياواد الرمـه لـو ماتسيـل

عايض الحريص
أنا جهازي مكتبي من دون سماعـه وكـام=والا جهازك وانت فالطايف يجيب المستحيـل
وهداج تيما ما يخلي الـورد ياملفـي حيـام=ما غاض من شرب الظوامي كل يوم وكل ليل

المشاركة الأصلية كتبت بواسطة نزف المشاعر (المشاركة 256421) صح لسان هزاني الموازين وصح لسان الشاعر عايض الحريص على هالمحاورة الجميلة والممتعة صرااحة . الله يعطيكم العافية

المشاركة الأصلية كتبت بواسطة أبن مصاول (المشاركة 256616) بارك الله فيكما أخواني ملفي الميزاني وعايض الحريص...ومحاورة رائعه أستمتعت بقراءتها وحضور مميز جداً

المشاركة الأصلية كتبت بواسطة ابن مشدد (المشاركة 256625) صح لسنتكم شعرائنا ملفي الميزاني وعايض الحريص محاوره رائعه فيها الفتل والنقض ولاهي غريبه عليكم فأنتم مبدعين