" 19 "
والله إني بوسط السوق بعت وشريت=تاجر(ن) محترف لكن ضاع جهدي
من خيار البضايع لا شتريت انتقيت=جبت زين البضاعه يم سوق(ن) ردي
ضاق صدري من الديره ومنها مشيت=شمت عنها بعد شانت وكثر حسدي
البلاء من جنود الفوج مدري بخيت=والعتيبي ذخر له فالعراق اسعدي

’’ 20 ‘‘
ان كان تبغى الناس تذكرك بالخير=احفظ لسانك عن هروج النميمه
ولاتمشي الا مع رجال(ن) مناعير=الدين فيهم والنوايا سليمه
والحر ما تجنيه من ماكر الجير=لو قلت هذا حر تبقى ظليمه
خلك صدوق وكب عنك المعاذير=دايم حصان الصدق يفلج خصيمه

21

كل حر(ن) يرصد الصيد لامنه رقا=والحرار اللي تنوشه مخالبها يطيح
والمراجل من طلبها يواجه له شقا=والضعيف عن المراجل مع امه يستريح
انشدك عن جامع المال بالله وش لقا=الشقا بين بحاله وعن نفسه شحيح

22
البذح والتبذير جنب دروبه=جنب وهذى تنحسب لك شجاعه
من يجحد الانعام جته العقوبه=شوف الدول من حولنا والمجاعه
شوف الضعيف ان كان تبغى المثوبه=كب الهياط وكب عنك الطقاعه
واليا نويت الخير تلقى دروبه=شوف اليتيم اللي يدور متاعه
وتلقى فقير(ن) جايع(ن) ما دروبه=فتش وتلقى كان حولك جماعه

23

التجاره دخل فيها ضعاف النفوس=يستغل المواطن لين يلعن ثواه
مابقي للمواطن غير قلع الضروس=مايعرف القناعه يوم ربي عطاه
تاجر(ن) مابعقله غير جمع الفلوس=قاعد(ن) للمواطن لين ياخذ شقاه

المشاركة الأصلية كتبت بواسطة محمد ماجد الميزاني (المشاركة 490810) ابو مازن اشكر ك جزيل الشكر لما قدمت تحياتي لك

24
من دخل مجتمعنا ماله جبله=عن بلدنا يروح بعيد ويلالي
ماحسبنا لمن بانت به الخله=الشراذم عليها الشعب ينهالي
كان يبغى الخميني داره يدله=مابقى له بدار العز منزالي

25

ماني بمن يأتي بليا عزيمه=خبل(ن) على من يكرهه تمشي خطاه
يفرح ليا قالوا ترا به وليمه=يقلط مع الضيف المكرم وخلاه
خبل(ن) خذاها عادت(ن) له قديمه=مايستحي والناس بالذكر تشناه
رجل(ن) بشكله مير مثل البهيمه=ياجعل ما يكثر مع الربع حلياه