منتديات الموازين الرسميه - البستان شاعر مطير الكبير (محمد الخس) وقصيدة جديده وقويه

صفحة 2 من 3

عرض 40 مشاركات من هذا الموضوع لكل صفحة

منتديات الموازين الرسميه (http://www.almouazeen.com/index.php)

- منتدى شعراء قبيلة مطير (http://www.almouazeen.com/forumdisplay.php?f=109)

- - البستان شاعر مطير الكبير (محمد الخس) وقصيدة جديده وقويه (http://www.almouazeen.com/showthread.php?t=16608)

طقها ولحقها

17 - 09 - 09 01:56 PM

رد: البستان شاعر مطير الكبير (محمد الخس) وقصيدة جديده وقويه

بسم الله الرحمن الرحيم
قصيده مميزه كا شاعره وناقلها
وتكلم الشاعر عن حقايق وتاريخ محد ينكره وبدع ولايستغرب من شاعر في مكانت محمد الخس
وذكر من قصيده جزله في حمران النواظر من شعرا عتيبه البارزين
وهويقول من ضمن قصيده مطوله ويخص له شخص من مطير

مطير ربعك لابسين الشعارا = حمر النواظر مكملين المطاليب
لن جيتهم تلقا ابيوتاً اكبارا = عشرين ليله حطهم لك معازيب
رجالهم مايدرق بالوزارا = ينطحط قبلنك تخطرا الاطانيب
امتيهت في نجد وضح البكارا = يرعونبه عشب الخر كل ماهيب
ولياعتزوا ماراح منها حوارا = يفدونها برواحم شمخ النيب
خيالهم تقول يشرب سكارا = حسب لكلام الي ثبت عن تراحيب
مودع مغاور القبايل دمارا = من دون عفراً لبسوها الدباديب
ويشهد لهم بالفعل حتى النصارا = وتشهد قبايل نجد غصبن بلاطيب
يانجد علم ياوسيع الفقارا = بفعول مرويت السيوف المحاديب
يوم القبايل في جهلها تغارا = ولكل لثاني يشيل المشاعيب

والقصيده من المطولات وكل بيت يعتبر اجمل من البيت الي قبله

اخي العزيز ابوضيف الله تقبل مداخلتي ولاهنت ع اهتمامك بتاريخ حمران النواظر

والحمدالله ع نعمه الاسلام والله يعز من اقام شرع الله لن شرع الله هو لحق والي غيره باطل

والسلام عليكم ورحمة الله وبركاته

أبن مصاول

17 - 09 - 09 11:04 PM

رد: البستان شاعر مطير الكبير (محمد الخس) وقصيدة جديده وقويه

اقتباس:

المشاركة الأصلية كتبت بواسطة حــــصـان مـطـيـر (المشاركة 156356)

حامينها علوى على قحص الامهار = ياويل من يوحي عليهن ندانا

حامينها في كل شلفا وبتار = ومطير حمران النواظر ورانا

بقيادة اللي للطوابير كسار = زعيم كل مطير قبل الخوانا

هو الدويش اللي مثاره ليا ثار = يكسر عروشن كبارن متانا

فيصل ولد سلطان ماهو فالاقطار = اليا وصله العلم يقف اوقفانا

مقدم جموعن كنها خشم سنجار = وخيلن تبارا كنها الديدحانا

صح السان الشاعر الكبير محمد الخس....
والله يعطيك العافيه يابن امصاول.

حصان مطير سرني مرورك وتعليقك يا غالي..والشاعر الكبير محمد الخس لا ياتي إلا بجزل القصيد

والدوشان هم شيوخ وامراء الجزيرة العربية يقول سعد بن سلطان :

دوشان من دوشان والدوشان كلٍ ذايقٍ لوعاتها

أبن مصاول

17 - 09 - 09 11:07 PM

رد: البستان شاعر مطير الكبير (محمد الخس) وقصيدة جديده وقويه

اقتباس:

المشاركة الأصلية كتبت بواسطة الفيصل (المشاركة 156358)

صح لسان الشاعر وسلمت يد ناقلها

بس وش مناسبة هالقصيده .....؟

حياك يا أبو حمدي ومن قال سالم ..

مناسبة القصيدة لا علم لي بها ولكن هي مهداة لمطير عامه واعتقد انها جاءت نتاج الأحداث التي عقبت برنامج شاعر العرب وما جرى فيه من تدليس

أبن مصاول

17 - 09 - 09 11:08 PM

رد: البستان شاعر مطير الكبير (محمد الخس) وقصيدة جديده وقويه

اقتباس:

المشاركة الأصلية كتبت بواسطة ابن مشدد (المشاركة 156359)

صح لسان شاعر مطير الكبير محمد الخس على هذه القصيده الجزله

وتسلم يمينك يابوضيف الله على النقل الرائع

ومن قال سالم وغانم يا أبو سعود ولا هنت على المرور يا غالي :049:

أبن مصاول

17 - 09 - 09 11:09 PM

رد: البستان شاعر مطير الكبير (محمد الخس) وقصيدة جديده وقويه

اقتباس:

المشاركة الأصلية كتبت بواسطة ابو فيحان الميزاني (المشاركة 156389)

صـــح لسان الشاعـر الكبيـر محمـد الخـس وهوشاعر جــزل

يعــطيك العافيه ابوضيف الله ع ماانقلت ولاهنت

ومن قال معافا يا ابوفيحان وسرني مرورك:049:

أبن مصاول

17 - 09 - 09 11:18 PM

رد: البستان شاعر مطير الكبير (محمد الخس) وقصيدة جديده وقويه

اقتباس:

المشاركة الأصلية كتبت بواسطة عبدالرحمن بن غلاب الميزاني (المشاركة 156560)

انا مارايح اقول صح لسانك لأن ابو خلف اكبر من كلمة صح لسانك ابو خلف علم من اعلام الشعر الله يطول عمره والدليل هالباذخه التي فصلت كثيرا من الامور0

وأنا اقول لناقل القصيده اخي ابوضيف الله
الله لايحرمنا من شخصك الكريم الذي يبحث عن اخبار مطير في كل مكان وينقلها لنا 0

دمت بود

أبو عيسى والله انك صادق وأبو خلف اكبر من هذا بكثير فهو شاعر فحل لا يضاهيه شاعر في الوقت الحاضر إلا من يعدون على أصابع اليد الواحده.

وهذه القصيدة تعتبر ملحمة شعريه فاخرة من الصنف الرفيع

لفت إنتباهي منذ أن أضفت القصيدة قول الشاعر الكبير :

عيال ابوسطره على الارض حضّا***رالله منـهـم لايخـيّـب رجـانـا

لماذا أطلق على الدويش (أبوسطره) ؟؟؟

ومن أطلق هذا اللقب ومتى؟؟؟

أبن مصاول

الطويل

17 - 09 - 09 11:24 PM

رد: البستان شاعر مطير الكبير (محمد الخس) وقصيدة جديده وقويه

[QUOTE=أبن مصاول;156352]

حنا حماه انكان عج الرمك ثار = يدرون عما اقول كل احددانا
ياللي تبا الصمان يمناك والحار = دونه معيّيتن سواعد لحانا
حامينها علوى على قحص الامهار = ياويل من يوحي عليهن ندانا
حامينها في كل شلفا وبتار = ومطير حمران النواظر ورانا

هذا الشعر الي يشوش له الراس .
ومن علم من اعلام الشعر بالجزيره العربية ابو خلف الله يطول بعمره.

تسلم يمناك يخال على النقل الثمين والذهب الخالص . الف الف شكر.

أبن مصاول

17 - 09 - 09 11:40 PM

رد: البستان شاعر مطير الكبير (محمد الخس) وقصيدة جديده وقويه

اقتباس:

المشاركة الأصلية كتبت بواسطة شديد القحم (المشاركة 156566)

صح لسان الشاعر محمد الخسوايضا صح لسانكعلى نقلك الابيات من ابيات الشاعر محمد الخس

شـكــ وبارك الله فيك ـــرا لك

حياك يا شديد ولا شكر على واجب فهذا هو (الخس) شاعر مطير الكبير

أبن مصاول

17 - 09 - 09 11:56 PM

رد: البستان شاعر مطير الكبير (محمد الخس) وقصيدة جديده وقويه

اقتباس:

المشاركة الأصلية كتبت بواسطة المينيح (المشاركة 156694)

صح لسان الشاعر وتسلم يمين اللي نقلها
والله قصيده روعه
تحياتي لكم

ومن قال سالم وغانم يا أبو فراس ولا هنت على المرور:049:

أبو راكان

18 - 09 - 09 12:43 AM

رد: البستان شاعر مطير الكبير (محمد الخس) وقصيدة جديده وقويه

صح لسان شاعر مطير الكبير محمد الخس على هذه القصيده الجزله ومن العيار الثقيل

وتسلم يمينك يابوضيف الله على النقل الرائع

الساعة الآن 01:33 AM.

صفحة 2 من 3

عرض 40 مشاركات من هذا الموضوع لكل صفحة

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها