مع السلامه يالنياق المجاهيم = وداعة الي عالمٍ بالسريره

حان الفراق وصار في جونا غيم = آمنت بالمكتوب شره وخيره


يقولها عودٍ يعرف المفاهيم = هذا كلامه بالليال الاخيره

وروح وخلاهن خلافه مرازيم = اختاره المولى ليلقى مصيره


وانا بعد فرقاه حسيت بالضيم = واونست في قلبي سهومٍ كثيره

لكن يامسعود مابه تفاهيم = خلك على نهجه وشاور شويره

والامر للي ينشي المزن والغيم = الواحد المعبود مافيه غيره

عيال الصقور صقور من دون تعليم = تبين في وقت الأمور العسيره
ومعرب الجدين ما يلحقه ضيم = يذود عن حيضان كل العشيره
ويثني ولو صكوا عليه المضاريم = ويضرب بحد مسنناتٍ شطيره
ونا اشهد ان بديد ما جاب اراخيم = عقب حرارٍ منزلتهم كبيره
عقب رجالٍ عند وقت الملازيم = رجالهم ينطح جموعٍ مغيره
وعابد وعبيد الهم بنجدٍ مراسيم = وسوالفٍ تروا وذكرٍ وسيره
وعيالهم كل النشاما شغاميم = عزي لرجلٍ ما يجيله ذخيره