انا اشهدنك من رجالن مناعير = واليا لزمك الحق بالحق تافي
قسيمة الشرطي على مخالف السير = والعذر مايشفى القلوب النظافي

صح لسانك ياسيف الشجيع.طيب طيب

عاشق الطيب

ياسيف ياسيف الشجاعه مساء الخير=عساك طيـب بالزمـن ومتعافـي
طالتبك الغيبه وقلنـا عسـى خيـر=وانـا اتحـرى جيتـك يالسنافـي


سيف الشجيع
يامرحبا احلى من حليب المصاغير=بالصاحب اللي غايبـن مايشافـي
اليوم تذكر حولنا حـزة اعصيـر=وشبك تجنب جعل مابـك خلافـي


عاشق الطيب
دام البقاء بك يازبون المخاسير=انا اشهدنك يابيض الوجه وافي
لكن ليـه لاتسـوق المعاذيـر=خطاك كبر طويق ماهو بخافي


سيف الشجيع
انا اشهدنك من رجالـن مناعيـر=واليا لزمك الحـق بالحـق تافـي
قسيمة الشرطي على مخالف السير=والعذر مايشفى القلـوب النظافـي