|
رد : الشاعرمحمدبن لعبون (رحمه الله) حياته ومقتطفات من شعره!!!!
أبن مدلج بيض الله وجهك على المداخله وإعادة التنسيق للقصائد التي أفادنا بها أبن عواد ...
واخي أبن عواد أشكرك على تزويدنا بقصائد الشاعر الكبير محمد بن لعبون ولا هنت يا غالي وهنا تتجلى التكامليه بين أعضاء منتديات الموازين في أكمل واحسن صورها فلله دركما اخواني الأعزاء .... أخوكم ابن مصاول |
رد : الشاعرمحمدبن لعبون (رحمه الله) حياته ومقتطفات من شعره!!!!
بالنعاثل مرني طفل يسير= ثم على درب المفيرق شفناه
ثم قفى لين خلاني حسير =حسبه الله مايخاف من الاله لبسه الماهود وثياب الحرير= والمبيسم بالدجا يوضى سناه لو يجي عباس باشا ما يسير= والشريف حسين سير من وراه سائلك بالله يا طير تطير= لين عرض الحيد وقع في جباه وان مشى كنه يوطي له حصير= ومن الغوى يا طا على ردن العباة كن يزوي القلب كالوب قصير= والتمني ما نفع لو قلتناه وله ايضا ألا يا بارقٍ يوضي جناحه= شمالٍ وأبعد الخلان عنّي على دارٍ بشرقيّ البراحه= أقفرت ما بها كود الهَبَنِّي لَكِنْ بْها عُقب ذيك الشَّراحه =إلى مرَّيت بسم الله جِنّي يفز القلب فيها للصباحه= إلى قامت حمامتها تغني توصّيني لا هلها بالنِّياحه= يعود إن الحمامة خيْر مِنّي وأنا إن كان لي بالنوح راحه= فانا بانوح دهري ما أونّي وترى الهم والسلوى نصاحه= ولا تسلين سواني أو منّي وأنا ما نيب مثلك بالوقاحه= على ذا الطوف طرْبٍ وامتهني ولا رجعت فن في براحه= على نبنوب غصنٍ مَرْجحَنّي وقالت جامعٍ كل الشراحه =ولا انت بسامعٍ ذا الصوت منّي ومثلك يدّعي زايد فصاحه= وطريح الغَيْ لا رمته يوِنّي أبات اللّيل في رجوا صباحه= وادق من النِّدَمْ بالعود سني على فقدي لغزلان الملاحه= طويلات المعانق واسفهني ولا ثوبي غدا يطرخ اشلاحه= يدق القاع ردنه و متثني ولا أردح جزت من ذيك الرداحه= عقب خبرك ليالٍ لي مضني عليهم صار في خدي قراحه= من الفرقا وشفني ويش كني وقالت من مشى مثلك بساحه= وحاله حال من كثر التغني وفي بحر الهوى يسبح سباحه= كثر شربه ولا هوب امتهني أو من فتق أفتوقٍ بالفصاحه= وعرض مذهبه شيعي و سني أو من خلى البني بكل ساحه= يخفقن الدفوف بكل فني أنا ولا أنت يامن في مزاحه= يعرضني المنى بي بالتمني قلت لها ودمعي بانسفاحه= سقا السفح من ذاك المغني عسى من كاذب يكسر جناحه= ولا يحضى بحبه و التمني فساد الغي ردك عن صلاحه =وأنساك الثنى لاهل التثني وأهل ذيك اللطافه والسماحه= رعا الله عيشهن ياما رعني ولكن يوم صبري منك ماحه= أعنادك لي وقصدك تمتحني فقوم وشوف لوني كالمحاحه =وأهل هالقيل ما يحكون عني فعاد اليوم لومك لي قباحه =وضنك بالهوى أخلاف ضني على الله الهدى يامن صلاحه= إلى جنت بنات الشوق حني حديثه بالهوى تروى اصحاحه= ضعيفات النسايم بي ترني عن الضحاك عن مبسم أقاحه= عن البراق عن ثغره روني حبيبي كلما هبت ارياحه= سفى للريح نوج ضاع مني وله كذالك نح ياحمام الهوى بسجوع= يا من يسومه وانا بيعه ما فيك كود العنا و فجوع =وقرور قلبي و تصديعه ياعلى ذالي شهر واسبوع= الطم كما تلطم الشيعه راعى الهوى زايده مقطوع= قلبه معلق بشريعه دُونكْ ثْوَيبي مِزوع مْزُوع= فتق ظفوري بترقيعه راعي الهوى دايمٍ مسبوع= بالليل تكثر سعاسِيعه وجدي على الجادل المربوع= اللي خذ القلب تفجيعه أمني على شوفته و اموع =والنفس فيها طميميعه وخِْديدْ مَي يشع اشعوع= مثل القمر في ترابيعه تغريك في قولها كعكوع= حمر الخواتم باصابيعه قلب الخطا يا على مطبوع= بالصدر تخفق بترميعه |
رد : الشاعرمحمدبن لعبون (رحمه الله) حياته ومقتطفات من شعره!!!!
بالنعاثل مرني طفل يسير= ثم على درب المفيرق شفناه الصحيح هو شفتناه حتى لا يكسر البيت....واعتقد بأن الشاعر في لهجته هذه يحاكي لهجة المرة والعجمان فهم دائماً يقولون بدلا من شفته(شفتناه)....
وللنظر للبيت الخير حيث قال: كن يزوي القلب كالوب قصير= والتمني ما نفع لو قلتناه<<<<قلت اناه فهنا يحاكي نفس اللهجة الدارجه هناك للباديه وهو في هذه القصيدة يتحدث عن احياء الهفوف حيث (النعاثل) احد احياء الهفوف-الأحساء المشهوره قول الشاعر: سائلك بالله يا طير تطير= لين عرض الحيد وقع في جباه من الواضح بان صدر البيت لا يمت بأي صلة لعجزه.... ((وان مشى كنه يوطي له حصير= ومن الغوى يا طا على ردن العباة )) ما اجمل التصوير ..قمة العمق في هذا البيت ياعلى ذالي شهر واسبوع= الطم كما تلطم الشيعه <<<<من المؤكد بانه قال هذه القصيدة في العراق أبن مصاول |
| الساعة الآن 01:21 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
