ابدى ولا ابدى غير بسم الله رب العالمين = اللي له نصلي الفروض الخمس في توقيتها
سبحانه اللي ناصر المعصوم في بدر وحنين = سبحانه اللي لو ابحسب نعمته ما احصيتها
وياهاجسي صوغ البيوت الشرد والمعنى السمين = اللي تنومسني قدم ربعي ليا عديتها
بمناسبة كسب العلا والعز والطيب الثمين = هجس القصايد بالفخر والمعرفه حثيتها
واصهل بشعرٍ يروي الضميان والخاطر يزين= لعزوتن لولا غلاها فالصدر ماجيتها
ربعي مطير اهل المواقف شوق صافية الجبين = اخصالها وافعالها فالكون شايع صيتها
ربعي سنام المجد عز الطاهرين الطيبين = بالعز شبت نارها بالفخر بنيت بيتها
حمر النواظر طيبين الساس عوق المعتدين = ياكم قومن من فعايلها جنت تشتيتها
ماتارد الا فوق عدٍ صافيّن ماجاه طين = يامسعدك ياللي على وضح النقا خاويتها
حنا رجال الدوله وسقم الطغاه الحاقدين = اوحيتها يالمعتدي والا بعد ما اوحيتها
اذكر فعل سلطان بن عادي راع الجنب المتين = طنخة مطيريا محد مستغربا توقيتها
واذكر ابن عايش محمد مدهلٍ للغانمين = سيرته لا جا طاريّن للمعرفه طريتها
واذكر ابن هلال والقوّات من فكره تبين = بذل جهوده لين طورها وشيّد بيتها
واذكر ابن عثمان وفعوله على مر السنين = واذكر علي المشعوف والوقفات لابديتها
هذي رؤوس اقلام فالقادات والعاصي يلين = والا لو اكتب عنّها في ذمتي ما اوفيتها
واليوم في منهاجهم ضباطنا متواصلين = عروقها تنبض وفاء واخلاص لا حليتها
يالله عساهم فالصداره فكل عسر وكل لين = ويالله عسى للنار من يسعى لجل تشتيتها
حنا حماة الدين ولحكامنا حصنٍ حصين = واحمدك ياللي نعمة الامن لنا خصيتها
ويالله تحفظ لنّا ملكنا القايد الحر الامين = صقر العروبه عز كل المسملين وصيتها
ويالله تديم الامن والامان والحق المبين = وتامنّا من كل الفتن إليا اشعلوا كبريتها

وذكر من رموز مطير:

الفريق / سلطان بن عادي الحلفي العوني.

اللواء/محمد بن عايش المشرافي.

الفريق أول/محمد بن هلال الهوياني الميموني.

اللواء / عبدالله بن عثمان الهدباني.

الشيخ/علي المشعوف الجبيري الميزاني.