منتديات الموازين الرسميه - بالمصادر الحلفاء يخشون مواجهة فيصل الدويش بمعركة المجمعة وجهآ لوجه.

منتديات الموازين الرسميه (http://www.almouazeen.com/index.php)

- تاريخ مطير وأنسابها (http://www.almouazeen.com/forumdisplay.php?f=37)

رد: بالمصادر الحلفاء يخشون مواجهة فيصل الدويش بمعركة المجمعة وجهآ لوجه.

اقتباس:

المشاركة الأصلية كتبت بواسطة ناصر السقياني (المشاركة 67956)

والله النقاش صار معك عقيم والرجال فهمك بس وش يسوي اذا انت ماتبي تفهم , المهم الحين علمنا الرضيمه حقيقه

ولا بعد كذب ولا بتقولون مع مطير حرب كلها وقحطان كلها مثل العاده هههههههههه الكون يقول عنه ابن بلهيد

المعروف عند (عامة اهل نجد ) شفت كيف عند اهل نجد كلهم وقصيدة حنيف بن سعيدان يعرفه الاجنبي قبل المطيري

مهي ها القصيدة الركيكه الي انت جايبها لو سمعها الدكتور غسان كان قال الكصيدة رايحه فيها وصراحه اول مره

اعرف ان فيه عتيبي رد على حنيف وسبحان من خلق وفرق .

والمستوي من ديار حمران النوظر ولم ينزله العتبان عقب السهجه الشهيرة , وبعدين ودي اعرف ليش دايم انتم الطرف

المدافع عن نفسه ماعمري شفتكم غزيتم غير العبادل لان ديارنا قريبه جدا من دياركم وبعضها لا يبعد اكثر من خمسه كيلو واكثرها غزو قليل او حنشل لايتعدون اصابع اليد ..

يمديكم على النحشه ( لا تزعل ترا امزح معك ) بس الي استغربه بريه وعلوى يحولون عليكم من الحفر والصمان ويغزون

دياركم ودايما انتم الطرف المدافع عن نفسه سواء انتصرتوا ولا هزمتوا حقيقه شي غريب يعني ما عمري سمعت ابن

حميد ولا ابن ربيعان غزا علوى في الصمان ولا برية على جراب ولا الحفر دايم مغزيين في دياركم منهم ومصبحين

ومسين منهم فعلا شي غريب .....

والله ياخوي ناصر انا اعتبر ان ردي رقم 13 كافي عن الموضوع

اما بالنسبه لباقي كلامك صدق انه برا الموضوع لاكن يكفيك ماقاله عاتق بن غيث البلادي في كتابه نبذه بسيطه عن عتيبه تكفي اسئلتك إن شالله
اما بالنسبه لصلب الموضوع ردي رقم 13 كافي ان شالله

رد: بالمصادر الحلفاء يخشون مواجهة فيصل الدويش بمعركة المجمعة وجهآ لوجه.

يالربع خلوا صافي العتيبي ينبسط ،،،، يالله ياصافي كون المجمعة بقيادة محمد بن هندي بن حميد الحاكم المعروف يتبعه عبدالعزيز بن سعود من شجعان العرب وعتيبة والعجمان وسبيع واهل العارض وقحطان . انت تبي التاريخ يقول كذا تبطي عظم وانتم تقادون لا تقودون معروفه بكتب التاريخ واقراء عن مناخ الحرملية وشيخكم ابن ربيعان كان من جيش الدويش يقوله ابن بشر ماهو ابن بليهد قصيركم . شف فزعة الصعران لبن ربيعان في طلال الاولى يقوله ابن بشر . شف حماية الدويش للهيضل من الامام في قبه يوم زبنوا على ابن بصيص يقوله ابن بشر .

وبعدين ياصافي الله يسعدك ، علمني بحاجه وحده بس ان عتيبة حاربوا مطير في ديارها اقصد علوى وبريه اللي يجونكم من الصمان وضواحيه ويتذابحون مع ربعك في الدوادمي والحرملية والرشاوية وطلال وجمران وعروى . عطني مصدر واحد ان عتيبة تناوخ القبايل في ديارها بس انكم تجرأتوا سنه من السنين وطبيتوا ديار حرب واطردوكم مناخ الهييشه وهو معروف عند اهل نجد وجاء ابن ربيعان حول عنيزة واخذوا الحضر سبلا ذود ابن ربيعان وشروها القصاصيب هناك وصارت فضيحة معروفه .
ياليت سبلا يوم جاها بلاها ......... وكمل الباقي قصيدة ابن ربيعان معروفه ايضا لدى اهل نجد .

والدعوى ياطويل العمر عتيبة ونعم معروفين شجعان وابطال لاكن حنا يامطير مانرضى بمايكتب بمنتداكم من استهزاء وسخرية في قبيلة مطير والحين جريتوا حرب وسببتوا مشاكل بين شمر وعنزة في منتداكم الفاضح . رح وشف بام عينك كتابات صغار قومك واحد مسمي نفسه وحي العقل وهو من العقل خالي يحاول النيل من قبيلة من الحرة للمجرة لن يؤثر فيها اي شيء وعلى ماقيل ماضر السحاب نبح الكلاب .

ليس ذنبنا ان طلقنا النساء غصب من رجالكم .
ليس ذنبنا ان دخلنا دياركم وحاربناكم فيها.
ليس ذنبنا ان غزى قشعان بالمئات من رجاله ولقي حتفه.
ليس ذنبنا ان غزانا تركي بن حميد بااللاف المؤلفه ولقي حتفه.
ليس ذنبنا ان فتى صغير في السن يذبح كبار عتيبة ويهرب الباقون من امامه وانت تعرفه.
ليس ذنبنا ان نختنا عتيبية في بني عمها وراحوا بعض الاخوة ضحايا فتنان العصامي وانشد الشيبان.
ليس ذنبنا ان سمينا هضاب نجد ومعالمها باسماء شيوخكم ابرق ابو سنون وهضبة ابن محيا واشقر تركي بن حميد وهضب الدياحين مقبرة فرسانكم الضيطه والعضيان .

يعني هذه امور ولى الزمن عليها كتبت ولن تمحى وحنا ابناء هذا الجيل نكتب بطولات الاجداد كما لكم بطولات والسلام عليك والله يسعدك.