المشاركة الأصلية كتبت بواسطة ذيب الروسان (المشاركة 22509)

أأبـن مصــاول مـنـور الـكرســـي ويآهـــلآ بـك وآبيـك تـرد على آسئلتـي البسيـطه ولا تترك آي سـؤآل آوك

لقد نورتني جداً بهذه الأسئله.....
بـســـم اللـه
/ موقف محرج مر عليك ؟

ج-أحرج موقف مر علي هو سقطتي من السيكل أنظر الرابط http://www.almizany.com/showthread.p...DD%ED%CD%C7%C1
/عندما تجلس لوحدك ولا يوجد لديك عمل تعمله في ماذا تفكر غالبا ؟

أفكر في المستقبل وكيف أبني أمبراطوريتي الماليه <<<<هههههههههههه رأس مالي

/ المكان الذي ترتاااح للجلوس فيه دائما ؟

طبعاً وبلا منازع الخيمه مع شبة الضو والأولاد حولي ...وانا مسوي فيها أسد حولهم

وهذه صور من عريننا ههههههههههه أقصد خيمتنا :

http://cubtan111.jeeran.com/ben%20mesaweel2008.jpg
أبن مصاول مسوي زحمه هههههههههههه
http://cubtan111.jeeran.com/dhaifallah3.jpg
فيه أحد يقدر يسوي هالحركه هههههههههههه يصب ورجله على المركي !!! ضيف الله يستطيع هههههههههههههههههه

http://cubtan111.jeeran.com/dhaifallah1.jpg

http://cubtan111.jeeran.com/dhaifallah2.jpg
وهذا ضيف الله ولقبه (الذيب) هههههههههههه هو بعض المرات يصير ذويب بس ماعليه
ماله إلا عشر سنوات والله يخليه متحمل مسؤوليات أكبر من سنه بكثير

وانا أخابركم بردانين فاشبيت لكم ضو ههههههههههههه تدفوا http://cubtan111.jeeran.com/fire.jpg

http://cubtan111.jeeran.com/tools%20and%20fire.jpg

والخيمة من الممكن تكون خيمه ومن الممكن تكون مستوصف ههههههههههههhttp://cubtan111.jeeran.com/medecin.jpg
ضيف الله واخته يقطرون قطرة الرشح في انفي هههههههههههههههه طبعاً انا هاك ليوم صاير تفرجه ..بس ما عليش

/سؤال في ذهنك تبحث له عن اجابه وحيرك منذ فتره طويله ؟

والله الأسئلة كثيره ....ولكن من اهمها هل صحيح ما وقع في امريكا في 11/09/2001 م أم أنها لعبة أكلناها في لحانا؟؟؟

/كم ساعه تنام فى اليوم ؟

انام من 5-6 ساعات يومياً تكون كافيه

ماهي آخر هديه تلقيتها , متى ومن من كانت..,‘؟

آخر هدية هي يوم الخميس الماضي من صاحبٍ لي (عتيبي) عبارة عن قلم قيم.
رساله أعجبتك من من ولماذا..,‘؟

آخر رسالة هي من صديق هاجري ..لماذا ؟؟؟ لأنه يعز أبو ضيف الله

ماهو اكثر شي تخشاه ..,‘؟

أكثر شئ أخشاه المستقبل

همسة عتاب لمن توجها ولماذا..,‘؟

اوجهها للأعضاء وأقول حافظوا على الحقوق الملكية والفكرية للغير بتذييل مشاركاتكم بمنقول أو بالمصدر بدون روابط

ما هي الصفات التي لا تحبها في شخصيتك..,‘؟

التسرع في بعض الأحكام

أغنيه تجعلك تحلق في سماء الخيال..,‘؟

(أنا بعشأك ) كلمات والحان المسيقار بليغ حمدي وغناء الفنانة الغائبه صاحبة الصوت العجيب مياده الحناوي

أكتمال القمر بماذا يذكرك..,‘؟ >> لا تقووول بوجهي خخخخخ..,‘

بأن الحفاظ على القمة صعب جداً .....وان كل شئ مساره للتغير
خطأ وقعت فيه .. ولا تريد لأحـــد الوقوع فيه ..,‘؟

لم أستغل وجود أبي على قيد الحياة لكي أبره بالطريقة التي أريدها والآن بعد فقده أتمنى لو يعود لحظة لأبره فيها واحمله على رأسي وأسير به ......فبروا بآبائكم ...بروا بامهاتكم فوالله لا يعرف فضلهما إلا من فقدهما او احدهما..

/ أمنية حلمت بها و تحققت .. ؟!

أنتهاء ديوني ولله الحمد...
/ هوايتك المفضلة و لماذا .. ؟!

السفر..لأنني أكتشف آماكن جديد وبشر غير المعتادة عليهم أعيني وعادات غير عاداتي
/ في المستقبل الباهر .. ستكون .. و ماذا تود فعله .. ؟!

في المستقبل أتمنى ان اكون رئيس شركة أرامكو حتى اوظف مطير كلهم هههههههههههههه

/ صديقك المفضل.. ؟!

صديقي المفضل هو من صدَقني القول لا من صدقني

/ لونك المفضل .. و لماذا .. ؟!

البني والبرتقالي

/ أغنية تحب الأستماع اليها .. ؟!

يا أبو فهد لفنان العرب محمد عبده

أكلتك المفضلة .. ؟!

الأكلة المفضله المرقوق والجريش ههههههههههههه في الخارج مارون جلاسيه

/ شئ لا تستغني عنه .. ؟!

الكمبيوتر والنظاره

/ أجمل مرحلة دراسية .. ؟!

الأبتدائيه ..صراحه كنا كشته من جد أما المتوسطه فهي جميله لأننا صرنا نفهم حاجات غريبه هههههه
http://cubtan111.jeeran.com/pic.jpg
أبن مصاول في المتوسطه كشته صح هههههههههههههههههه
/ شاعرك / المفضل و أجمل كتابته .. ؟!

والدي ومحمد العبدالله القاضي.....واجمل الكتابات كثير جداً..جداً
/ مثلك الأعلى في الحياة .. ؟!

مثلي الأعلى في الحياة(في الحياة طبعاً) رسول الله ثم والدي رحمة الله عليه

/ حكمتك المفضلة .. ؟!

لا تكن ليناً فتعصر ولا تكن قاسياً فتكسر
/ هطول المطر بماذا يذكرك .. ؟!

يذكرني المطر بالحياة (وحعلنا من الماء كل شئ حي)
/ شروق الشمس ماذا يوقظ فيك .. ؟!

يوقظ في التامل في الحياة وان هذه الدنيا ماهي إلا أيام وشهور تبتدئ بشروق الشمس وتنتهي بغروبها لنطوي أياماً وشهوراً من حياتنا...

/ أين تجد الحب الكبير .. ؟!

أجدها في أسرتي

/ مدينة لا تفارق خيالك .. ؟!

كازا بلانكا

/ كيف تقود الآخرين لحبك .. ؟!

بحسن النية بهم وتقديم العون لهم ثم محبتهم ليحبونك

/ شخصية تود مجالستها .. ؟!

الدكتور عبدالله الربيعه

/ عندما تضطر لمجالسة شخص لا تحبه ماذا تفعل .. ؟!

أصرف نفسي .....يعني أفلسع هههههههههههه
/ أنت تجامل .. ؟!

أحياناً ولكن ليس كثيراً فانا أومن بالمقولة التي تقول: الكلمة التي تستحي منها بدها .

كما أومن أيضاً بقول زهير ابن أبي سلمى:
ومن لم يصانع في امور كثيرة***يضرس بأنيابٍ ويوطأ بمنسمِ

/ صفه تحبها و صفه تكرهها .. ؟!

الصدق والكذب

/ كلمة تحبها .. و كلمة دائماً ترددها .. ؟!

أرحبووووووووووووا ...وكلمة أرددها (ناقتي ....ناقتي ) مبداء قصيدة الفراعنه ههههههههههه متاثر

/ ماذا يضحك .. وماذا يبكيك .. ؟!

يضحكني مشاهدة أفلام عادل إمام ومسرحياته ويبكيني رؤية طفل يبكي لفقده احد والديه

/ أحب الناس الى قلبك " من الأعضاء " .. ؟!

من يحبني من الأعضاء هو احب الأعضاء الى قلبي وقلبي دليلي
/ ثلاث تذاكر من تأخذ معك " من الأعضاء " .. ؟!

أبن جويبر,رأس الضلع,ولد عون
س/كـلـمه تتـأثر بـها؟؟

كلمة الصدق أي كانت..
س/ كيف تسـع ـى لتح ـقيق طمــوح ـك ؟

بوضع خطة ...يكون لها هدف معين فلا احيد عنه حتى احقق هدفي وهذه اتبعها دائماً في حياتي
س/ ماهي أفضـل سنه مرت عليــك؟؟

2007 ولله الحمد..

س/شخ ـص يشبـهكـ في طبع ــك (مـن)؟؟

أخي عمر(مدير البنك الأهلي التجاري فرع عنيزه الرئيسي) ...لماذا؟؟ لأنه أخي
س/ متى نزلت دمعتك غصبا عنك ؟ ولماذا ؟

عند قبري لأبي ..فقد كنت متماسكاً كل الوقت حتى أيقنت ان لا يوجد طريق للعوده!!!!

_ احكي لي عن موقف مضحك مستحيل تنساه وكل ماتذكرتك جلست تضحك عليه ؟؟ <<< ابي اضحك يلا سمعنا

واحد من خويانا من الأحساء(خبيل) المهم حنا كنا رايحين للدوام وكنا نعلق عليه ومرفعين ضغطه وأثر الرجال مرتفع ضغطه الف ..المهم قدامنا نقطة تفتيش والرجال من الزعل شطف العسكري ولا وقف !!!! صاح عليه العسكري وهو يجط فرامل بقوه ونحضر كلنا في مقدمة السياره ههههههههه المهم يريوس للعسكري قاله العسكري انت ماتشوف ؟؟؟

قال ...إلا..إلا بس حنا موظفي أرامكو!!!! ههههههههه قال وإذا كنت موظف ارامكو تخلينا مطب حنا قعدنا نضحك عليه ونلطف الجو مع العسكري (الرجال هالحين وصل ضغطه 2000) ههههههههههه تعذرنا من العسكري وقلنا له يا أبن الحلال اعذر الرجال والرجال تعبان ومن هالكلام المهم العسكري يوم شاف كلامنا اعذره وقال يالله حرك ولا عاد تتعودها ...هههههههههههه

المهم هالحين هو زعلان ....وواصل حده....ومتضايق ...ويبي يوصل للعمل علشان يتقاضا منا هناك

المهم هو قبل شوي كان حاط السياره بالريوس وهي لا زالت على وضع الريوس ويوم قاله العسكري حرك وهو يدوس على البنزين بقووووووووووووووه والسياره تريوس بقووووه بغينا نلحم في سياره جايتنا من ورا وحنا نتسدح في السياره من الضحك .....ونمر العسكري وهو يضرب يمينه بشماله ويقول الله يخلف ...ههههههههههههههههههههههه هذا كان أفضعة موقف كوميدي مر بي ولن انساه ماحييت

-وش الشــي اللي فعــلاً يعصبــك ؟؟ << عشان اسويه هع هع

النقل بدون ذكر المصدر هو اكثر شئ يعصبني :0015: :z057:

_ لو قدرت اترجع الزمن لورى وشو الشي اللي كان ودك اتسويه او تغيره؟

تخصصي في الثانويه العامه

في رأيك الشخصي لمن من الاعضاء تقول الكلمات التالية ...

.. وجودك يعني الكثير ...

راس الضلع وأبن جويبر
.. مواضيعك مميزه ...

سالم رباح
.. غبت فما السبب ...

أبن مدلج1
.. تستطيع تقديم الكثير للمنتدى فحاول أكثر ...

وائل الميزاني

.. سلمت يمناك ...
لكل واحد يظيف مواضيع من إنشائه وحصريه

اذا شفت شخص يحتاج منك مساعده وانت بحاله ماتقدر تساعد فيها حد.. والشخص الي قدامك خلاص ضاربه فيه الدنيا ويبا حد يساعده؟؟ شو بتسوي؟؟بتعتذر.. ولا بتضحي؟؟

أبي أضحي واتسلف وأساعده وما عاشت بالحايس وانا ولد مصاول
في أي صورة تحب ان تظهر في الحياة اليومية ...؟؟

في صورة الرجل ...الرجل لا صورة الذكر

يقال ان الذين لديهم مشاكل لاحل لها يجنحون أحيانا نحو الهزل والمزاح .. ليعطوا للآخرين فكرة أنهم بلا هموم ولا مشاكل .. إلى أي حد ينطبق عليك هذا القول ؟

لا ينطبق ولله الحمد ولكنني أمزح على طول الكل يعرفني بذلك ففي وقت المزح مزح وفي وقت الجد جد
ماهو أطرف موقف واجهته بالمنتدى ومع مين وعكسه؟؟..

لا يوجد...

هل تخااااف من إنسحاب عضوأوعضوه في هذا المنتدى سواءً كان برغبة منه أو إيقاف من قبل الإدارة ؟

لا اخاف ..لا المنتدى لا يقوم على واحد بل على المجموعه او ما يعرف بالفريق Team Work وهذه بعيده عن تصوراتي جداً..
-من هو أفضل عضو بالمنتدى ؟؟..

من تكون ردوده على الأعضاء أدبية مرتبة أو لا يشترط ان تكون أدبيه المهم ان تكون ردود جميلة يعني ياخذ ويعيطي ماهو شكراً عفواً او يغرق المنتدى بالمواضيع المنقولة ولا يناقش مواضيعه التي نقلها!!!!!

من هي أفضل عضوه بالمنتدى ؟؟..

من تكون اخت رجال وتاخذ وتعطي مع اخوانها الأعضاء بدون نرجسيه ولا حساسيه مفرطه

عضو ودك تلتقي فيه ؟؟..

أبن جويبر
هل كان لعضو من الأعضاء أثر كبير على طبيعتك؟؟..

لا..إطلاقاً

-هل تشعر أحيانا بالأسى والمراره الشديده؟؟ لماذا؟

نعم....لوضع الأمة

هل رسبت خلال دراستك ؟؟

لا....ولله الحمد

آخر رساله وصلتك على الجوال؟؟.>>يلعن ام اللقافه

من الأمن الصناعي لأرامكو يحذرون فيه من رياح على منطقة الأحساء وينصحوننا بالقيادة المتأنيه..
موقف خطير نجاك الله منه بأعجوبه ؟؟؟..

في الأردن عام 1998 كنا نسير وراء سياره لاند كروزر فترة الغروب وكنا نسير على طريق عمان المدوره و أنا كنت أقود جمس بيك أب وموطي رجلي صراحة ومعي اخوي بندر (صيدلي محترف في عنيزه) المهم راعي الاند كروزر عطانا إشارة تجاوز تجاوزنا ولم ننتبه بأن الطريق أمامنا هو عبارة عن شق في الجبل ولم نرى أنوار سيارات المهم بعد إعطائنا إشارة التجاوز تجاونا ولم نساوي الاندكروزر إلا وبسيارة اخرى امامنا وكان الطريق واحد (رايح-جاي) وش الدبره!!!!!

المهم قلت مافيه إلا أزيد السرعه اكثر(لو سيارتنا ماهي جمس كان رحنا فيها) ةزدتها لدرجة ان الجمس قمز من التعشيقة الرابعة الى التعشيقة الثانيه وصار يحن حن وحنا نمشي 140 وقد انحرفنا للطريق مرة اخرى من امام السارة التي امامنا بعد أن أقتربنا منها كثيرا لو كنا تاخرنا ثواني رحنا ملح .... وهذه اعتبرها في حياتي اعجوبة بفضل المولى

واخيراا يابن مصاول انتهت الاسئله واعذرني ع كثرها بس ياليت تجاوب عليها ولي رجعه>>عجبه الوضع خخخخخخخ

المشاركة الأصلية كتبت بواسطة راس الضلع (المشاركة 22631)

ولا تنسون ابن جوبير العبدلي مع سبق الاصرار والترصد

المشاركة الأصلية كتبت بواسطة وائل الميزاني (المشاركة 22677)

وانا ارشح دلوعة المهد تحجير ههههههههههههههههاي

المشاركة الأصلية كتبت بواسطة عبدالوهاب المطيري (المشاركة 22699)

ياهلا ياااااااااااااااااهلا بالاخ الغالي ابن مصاول انشالله تقعد معنا اسبوع
خخخخخخخخخخخخخخخخخخ

اول شيء قبل الاسئله اشرب كاس شاهي واذا ماتحب الشاهي اشرب قهوه لكن البن لازم يكون بن الكبوس عشان تصحصح ههههههههههههه

أول مره اعرف ان فيه بن أسمه أبو كبوس لكن أبو يمن ما خلا شئ هههههههههههههه لكن البن اللي يقعد الراس هو (هرري باشنفر رقم 1) أو بريه خولانيه هذا اللي يعرفه ابن مصاول
السوال الاولى

ماهو شعورك وانت في كرسي الاعتراف ؟ مع الشرح بالتفصيل؟؟؟؟؟

شعوري كشعور أي واحد في مخفر شرطه هههههههههههههههههههههههههههه
السوال الثاني
كل انسان لابد وان يمر بعدد من المواقف منها الطريف والمؤلم وغيرها اذكر لنا موقف
بعد اذنك يعني موقف طريف وموقف مؤلم واسف على تقليب الماجع وموقف محرج
حصل لك واتمنيت انه الارض انشقت وبلعتك خخخخخخخ؟

لو قريت إجاباتي على ذيب الروسان كان عرفت اني اجبت على السؤال هذا بحذافيره فراجع النصوص جيداً هههههههههههه
السوال الثالث
ماهو افضل منتدى في الموازين (يعني اول ماتدش وين تروح اي منتدى تحبه اكثر!)

أنا لا أدش في أي منتدى بل أبحث عن آخر المشاركات وهذه هي الطريقة الصحيحه لكل مراقب ومشرف وإداري فهي أسرع طريقة لتقصي كل جديد
السوال الرابع
منهو اعز عضو تحترمه حيل وتقدره (ياليت بدون صرقعة!!!)

أبن جويبر

السوال الخامس
من العضو اللي فراقه صعب!!!!

أبن مصاول
السوال السادس

منو العضو اللي فراقه عيد!!!!!!

واحد غاثني ههههههههههههههههه
السوال السابع

من العضو اللى تحبه في المنتدى

ولدعون ...طبعاً انت قلت عضو وليس في الأشراف أو الإدارة
السوال الثامن
من العضو اللي تحسب له الف حساب للرد ماله؟!!!

لا يوجد .....حتى الآن و(الف) كثيره لو قلت خمسين ميه يمكن امشي معك ههههههههههههه

السوال التاسع
بس تكفا رد بكل صرااااحة

نعم رديت بكل صراحه وثاني مره لا تنقل الأسئله هههههههههههههههههههههه لأن الأخطاء الإملائية فيها قليل هههههههههههههههههه سلم سلم

المشاركة الأصلية كتبت بواسطة عبدالوهاب المطيري (المشاركة 22820)

1

- ماهي وظيفتك بارامكو?????
وظيفتي في أرامكو Senior Supervisor

2- كم راتبك????

والله يعتمد على الشتاء والصيف ففي الصيف يتمدد وفي الشتاء يتقلص ههههههههههههههههههه
3-متى تعينت في ارامكو?????

عام 1990 م ....ما اجملها من ذكريات حيث أتيت من عنيزة بكرتوني وصاير زي الأطرش في الزفه هههههههههههههه
4- نوع سيارتك?????

عندي سيارتين الأولى يوكون دينالي 2007 http://cubtan111.jeeran.com/oqeer56.jpg


والثانيه هايلوكس2006 للبيت وللأغراض التي تحتاج بدي وللرحلات أيضاً....
ويمكن ترى صورأكثر في هذا الرابط

http://www.almizany.com/showthread.php?t=2236


5-من الذكور ومن البنين كم اولادك?????

أولادي 3 ولد وبنتين وقد تحدثت عنهم تحت هذا الرابط
http://www.almizany.com/showthread.php?t=199&page=2


6-عندك بيت في الاحساء او لا?????

نعم امتلك بيت في الأحساء وهو ملك خاص ولله الحمد والمنه

7-ماذا تعرف عن ام خط?????

أعرفها تماماً وهي تقع بعد صعينين بحوالي 5 كم ويقطنها أبناء المرحوم فايز بن عجل بن مصاول (الأشرم) رحمه الله

8- كم طولك بالضبط?????

طولي الكلي 175 سم وطول الثوب 160 سم ......

9- كم وزنك بالضبط?????

وزني والله حوالي 88 ك.ج

المشاركة الأصلية كتبت بواسطة حضري (المشاركة 22884)

مشاء الله عليك يابن مصاول اثرك مير جالساً بس تمزمز من هالبترول اولاه عطنا لو برميل

شفن باجيك بعد ماعرفت عنوانك هههههههههههههه

عاد دورلي اكبر برميل عندكم وعطنياااوه هديه هههههه يحب الهدايا الاخ !!!

المشاركة الأصلية كتبت بواسطة عبدالوهاب المطيري (المشاركة 22945)

1-كم سفره سافرتها خارج اللملكه

2- وماهي الدول التي زرتها

والله كلام السياحة ذو شجون ويخلي ابن مصاول كالمجنون ولكن سوف اجاوب على أسئلتك يا عبدالوهاب وأخاف بعد ان انتهي تقول لي ولم الزهاب!!!! ههههههههه

زرت:

مصر <<<<ام الدنيا 7 مرات

سوريا<<<زرتها في حياة الأسد الأب والأسد الأبن فلم اجد إلا ضباع غير أسود.

لبنان<<<<آه يالبنان بلد يشار له بالبنان وادعوا معي على حسن نصرالله <<<الله لا ينصره خرب على أبن مصاول رحلاته القادمة لسويسرا الشرق.

البحرين<<<<حدث ولا حرج فهي تبعد عن بيتي في الأحساء 150 كيلو متر.

قطر<<<<تبعد عن منزلي 170 كم ههههههههههههه.

الإمارات العربية المتحده(أبو ظبي,دبي ,الشارقه)<<<مراراً وتكراراً.

المغرب(كازابلانكا)...........بلد جميل لا بد من زيارته مرة اخرى فهو يستاهل ان يزار.

الأردن<<<عبور كم مره وعمان عاصمة جميله.

- كم رصيدك في البنك ؟؟؟

مستوره لله الحمد ....ليش السؤال؟؟؟ عندك شركة توظيف أموال؟؟

4- هل بعد التقاعد سوف تجلس في الاحساء ام ترجع الى مربط راسك الفيحاء

ليس مربط يا عبدالوهاب<<<<اعلم فيك ولا اعلم في الهندي؟؟؟؟ يقولون : مسقط رأسك ....ليش مربط شايفني بعير؟؟؟ههههههههههههههههه

إذا تقاعدت أبي أشيل قشي وأروح لعنيزه .....


5- السيكل اللي دائم صاجنا بذكره وينه هالحين


محنطه عند عجوزي في عنيزه ...وكاتب عليه ممنوع اللمس وبعد مانع عنه التصوير لأن الفلاش حق الكميرات يخرب صبغته ....وحاطه في غرفه ووازن درجة حرارتها بمكيف مركزي صيف شتاء علشان ما يتأثر بالرطوبه والحراره والبروده القاسيه...

6- وراء ماشريت ارض في ودي يمدحونها ....

أعتقد تقصد حي (الودي) في عنيزه يقطنه أخي عمر وقد عرضت على اكثر من أرض لم أشتريها....ولكن لم أستقر على أرض للآن
7- كم اخوانك

أخواني 4 أربعه (عبدالله(أبو احمد) رحمه الله قضى نحبه في حادث سياره عام2004 م وهو في طريقه من الأماكن المقدسه.....عمر ,بندر,وبدر)
8- ماذا تعني لك عنيزه

هذي عنيزة مانبيعه بالزهيد......... لافرعن البيض نحمــي جالها
صراحة عنيزه تعني لي الكثير ....طفولتي<<<<المشرده ههههههههههههههههه وأيام صباي وأهلي وأقاربي ...في عنيزه احلى الذكريات مدينة جميله ينغصها بعض الحضر

لك يا عنيزةُ في الفؤادِ محبةٌ....أحلى من الماء الزلال وأعذبُ



9- وماذا تعني لك الاحساء

تعني لي النخيل الباسقات ,عبق التاريخ , اهلها الطيبون, جيران مترابطون أكثر من أي منطقة أخرى في السعوديه,تعني لي الذهب الأسود,تعني لي الديره هي اللي ترزق فيها لا ما تخلق فيها....
10- هل تزور اقاربك وكل كم يوم او في الشهر او السنه

المشاركة الأصلية كتبت بواسطة بنت رجال (المشاركة 44383)

استجابة للنداء اللي في شريط الاهداءات ...

علامكم كل ما حطيتوا واحد هج ؟؟
كرسيكم فيه دبابيس يا اخوان
عموما .... لا تسالون عن الاسم والاشياء الشخصية في نظري انه يجب ان يسأل عن اسئلة تبين لنا عقله وتفكيره
اما العمر والخصوصيات لا تهمنا يا شباب