البارحه والنوم بالعين مالاز=حلو الكرى عن نوم عيني تماليز
كن في حجر عيني عن النوم مخراز=كنه يدق صبي عيني مخاريز
والعين ياجابر بها مخلب الباز=لاكن بها ساق أبرق الريش ركيز
والدمع من عيني على خدي أجواز=وأمشها بردون ثوبي وبالبيز
كني صويب عنزو له بمعناز=دور السنه ممشاه فوق المعاكيز
يشتب في جوفي كما واهج الغاز=غاز(ن) سنا ضوه بقز وقلاويز
كنه يجزر معلق القلب جزار= متفجر(ن) باقصى ضميري دراويز
عليك ياللي كل ماشافني فاز=من فرحته بي ضيع العقل والميز
عرض علي يهمز الخد هماز=مشيه على الديباج همز وتراميز
يامل قلب بين الأضلاع يماز=موز الدلي من تحت هدف المراكيز
عليه ورد البدو غادين اركاز=وشربوا صداه ونيهو بالتفاويز
وشايب وتاب وعن طروق الهوى جاز=وشاف الذي كنه ظبي المحاويز
العين عين موحش الريم لاحاز=عين الغزال اللي يرب القحاويز
والعنق عنق اللي من الصوت حواز= شافت صلاة الصبح زول وتخاويز
والراس ذيل كحيلة عقب ملكاز=ذيل الكحيلة في نهار الملاكيز
منهوبة السرجوف والعمر ممتاز=والعود يشموم على شط اباريز
والخد فرخ سجله عند بن باز=عوق البنات اتريك ظلم الدهاريز
كن في نحرها لافح البرق نواز=بارق قنيف سامراً له تراميز
أصبح عليه الفجر والبرق رماز=يوضي سناه بمقدم العنق والعيز

المشاركة الأصلية كتبت بواسطة أبن مصاول (المشاركة 23784) http://cubtan111.jeeran.com/photos/1249290_l.jpg

المشاركة الأصلية كتبت بواسطة أبن جويبر العبدلي (المشاركة 23786) قسم بالله كني أشوف عزبتي الاباريق والدلال والمفواح نفس مفواحي ياسلام على شبة النار بس ليش ماحفرت للنار وجار اطيب علشان مايطيرها الهواء وتصير متناسقه بالوجار مهي متناثره وبعدين منهو اللي مغسل على شنق النار وشلون نجلس هالحين ماتفهمني

كفا يا أبو جزاء نبي منك سالفة (ناقة عريمان) اللي فيها المثل اللي يقول : إن ثارت نارت وان بركت ما قامت!.....سالفتها وغن كان فيه قصيده ما يمنع...