منتديات الموازين الرسميه - مجلس أبن مصاول ....للجميع أرحبووووووووووووو

منتديات الموازين الرسميه (http://www.almouazeen.com/index.php)

- المنتدى العام (http://www.almouazeen.com/forumdisplay.php?f=4)

- - مجلس أبن مصاول ....للجميع أرحبووووووووووووو (http://www.almouazeen.com/showthread.php?t=814)

رد : مجلس أبن مصاول ....للجميع أرحبووووووووووووو

ماشاء الله يابن مصاول وش هالزين والقهوه والعلوم السنعه والسوالف الي توسع الصدر :022: عن اذنك بعبي المنتدى من المواضيع والمشاركات بزعجكم :z06: وانشاء الله تقضون وقت ممتع :61_f: تحياتي لجميع الحاضرين الان :z025:

رد : مجلس أبن مصاول ....للجميع أرحبووووووووووووو

السلام عليكم ورحمة الله وبركاته
جذبنا لكم ريح العود والشاذليه ويقولون عندكم علومٍ زينه

عطنا القهوه يابن مصاول ترا الراس منداش من اليوم وانا ارد على مواضيعك لين فترت يديني

من أختي حلا نجد هنيا وبعد بنت حمران النواظر هاذي والله الفله اثر مجلسك طيب يابن مصاول

ابك دناديشكم وانهيه يابن مصاول دورتها مالقيتها منول بحط لكم منها دندوشه مار ما عينتها

علمني عنها وان انت حاطها على شان مره ثانيه احط لكم منها

رد : مجلس أبن مصاول ....للجميع أرحبووووووووووووو

اقتباس:

المشاركة الأصلية كتبت بواسطة حلا نجد (المشاركة 4879)

قالوا علامك صامت وقلت يانـاس
كثر الكلام يقـل لاجلـه مقامـي

الصمت حكمه والحكي مصدر إفلاس
ولقيت في صمتـي يزيـد احترامـي

الصمت له معنى وله ذوق وإحساس
مركب نجاتك فـي بحـور الظلامـي

ترى الرجل صوره من الراس للساس
ثـم يتبيـن جوهـره بالكـلامـي

إما نطق في كلمـة ترفـع الـرأس
تضفي على شكله جديد الاسامـي

وإلاّ يعوّد معدنـه معـدن انحـاس
يرميه سهمه بعـد ماكـان رامـي

لا صار عندك من ثمينـات الألمـاس
خله بصدرك ليـن وقـت التمامـي

أخاف يطلعلك من النـاس بـلاس
وإلا سفيـه مـا يـرد السـلامـي

الله خلق خلقه على عـدة أجنـاس
وكلـن يسوقـه مذهبـه للأمامـي

والله خلق بالطير قمـري وقرنـاس
ووقت الهدد ما ينغـزي بالحمامـي

لا جال في صدرك من الهم هوجـاس
وعينـك يحاربهـا لذيـذ المنامـي

ونفسك عليله والفكر صار محتـاس
اترك طمان القـاع وارق السنامـي

عليك بالعالـي ليـا هـب نسنـاس
يبري الجـروح الخافيـه والعظامـي

وخلك لربعك دايم الـدوم نبـراس
وخص القريب وخص ولد العمامـي

خلك لهم في داجي الليـل مقبـاس
وللصاحب أصدق من حقوق الغمامي

ربعك ذراك ليا لحق راسـك البـاس
قدم لهم شربك ولو كنـت ضامـي

وخلك لثوب الطيب والعـز لبـاس
واتـرك دروبٍ تنتهـي بالحرامـي

وفعل الجميل وواجب الضيف نوماس
ومن لا نفع بالضيق نفعـه عدامـي

بيت الكريم أبوابـه بـدون حـرّاس
وبيت البخيل يعـد مثـل الهدامـي

كلٍ بهـا الدنيـا نصيبـه بمقيـاس
ياخـذ نصيبـه لوجفـوه الأنامـي
0[/size]

الله ...الله ..الله يا حلا نجد

والله خلق بالطير قمـري وقرنـاس=ووقت الهدد ما ينغـزي بالحمامـي

أبداع أيه هذي هي القصائد اللي نبيها...صح لسان قايلها وسلمت بنان ناقلها.....

رد : مجلس أبن مصاول ....للجميع أرحبووووووووووووو

اقتباس:

المشاركة الأصلية كتبت بواسطة حلا نجد (المشاركة 4879)

ووووووووووووووأبن مصصصصاولالالالالاه:15_f: :z07: :z07: :z07: :z07:

القصيده مالها سالفه ولامناسبه من حر مابي:z09: أبكحل العين أعميتها00(أرسلت لى أبو الشباب رساله أبارك له بفوز العراق ابقهره :z07: ردعلي:كاتب خلي البنات المزاييين يفرحن(العراقيات):z07: :z07:

الفزعه (وووووابن مصصصصصاولالالالالاه) الحقني بالحل0

ههههههههههههههههههههههههههههه رجع السحر على الساحر....:0026:

وليش تزعجيه بالأتصالات :z037: والرسائل!!

وبالنسبه للعراقيات والله ما ينلام أبو عرنان..ما ينلام..:z025: :z025:

رد : مجلس أبن مصاول ....للجميع أرحبووووووووووووو

اقتباس:

المشاركة الأصلية كتبت بواسطة بنت حمران النواظر (المشاركة 4883)

انا لي أسبوع وانا أنادي بالقهووووه حتى صرت مثل منادي بالعشاء ...والله هالزين يبي يصير مجمعنا يا بنت العم هنيا يصير قهوتنا ونقاشاتنا اليوميه في القضايا والسوالف والنكت..والمرح البرئ شوفي وش زين القصيده اللي جابتها حلا نجد ...خرافيه

اقتباس:

عن اذنك بعبي المنتدى من المواضيع والمشاركات بزعجكم

لا لا ما يزعجنا إلا بالعكس يسرنا نرى :142: مواضيعكم ...ونقرأها :z06: :z06:

ولا تقاطعين كل أشوي نطي هنيا واتحفينا بالجديد

سرني مرورك..

رد : مجلس أبن مصاول ....للجميع أرحبووووووووووووو

:013:

اقتباس:

المشاركة الأصلية كتبت بواسطة أبن مدلج1 (المشاركة 4886)

يا حيالله أبن مدلج ..خشمك...

حبة خشم ما تنعطى كل رجال =خذها وفا مني لحضرة جنابك

يا هلا ويامرحبا بأبن مدلج يالله انك تحييه وتبقيه..أيه يا رجال بس طايح عند سالم رباح ولا تمر عندنا ؟؟؟!!!

والله يسلم يدينك على الردود يا ولد مدلج ..والله انك ماقصرت في كل المواضيع..

المهم الدناديش اللي تدورها عانها على يسارك وانت تكتب الموضوع أرعص على الشكل ويدخل رمزه في موضوعك ونتبه تبي تحط شكل يضحك:0092: تحط شك يبكي:z07:

سرني تواجدك بيننا اليوم وبكره وانت جاي جبلنا سالفه ....

ترى المجلس مختلط يعني ماهو مثل مجالس مال اول على قولة اهل الخليج...:018:

ابن مصاول...دير القهوه يا ضيف الله ياولدي

http://www.mekshat.com/pix/upload/im...3_dsc00381.jpg

رد : مجلس أبن مصاول ....للجميع أرحبووووووووووووو

يازين المجلس لاكان فيه سيحت البال هذا ولد عم وهذا ولد خال

رد : مجلس أبن مصاول ....للجميع أرحبووووووووووووو

حياك الله يا تركي وإن شاء الله تجد عندنا ما يسرك وصح لسان الشيخ راكان ابن حثلين :

يا مـا حلا الفنجـال مـع سيحة البـال
....................................فــي مـجلسن ما فيــه نفسه ثقيـله
هـذا ولــد عـم وهـــذا ولـد خال
.......................................وهذا رفيق مـا لـقـيـنـا مـثـيلـه
يـا لـيـت رجـال يـبـدل بـرجــال
....................................ويا ليت فـي بــدل الـرياجيل حليه
يـا بـو هـــلا طير الهوى خبث البال
.....................................الطـيـر نـزر والـحـبــارى قـليله

.................................................. .........

وصح لسان الشيخ تركي بن حميد:

ياما حلا ياعبيد في وقت الاسحار
..................................جذب الفراش وشب ضو المناره

اخوك بن مصاول
http://www.mekshat.com/pix/upload/im...9_dsc00134.jpg

رد : مجلس أبن مصاول ....للجميع أرحبووووووووووووو

أنازعلانه00000الحين أقول وووووووووووووووووووأبن مصصصصصصصصصصصصاولالالالاه)

ولا ترد على والله لوني قايله (وامعتصمممممماه) كان سمعني:ndm: