|
رد: جالك البيت يابن غلاب
اقتباس:
إلا قل أنت اللي انحشت الربع انتهوا مار والله ماعاد الاعبك مرة ثانيه وتشوف ههههههههههههههههههههههههههههه |
رد: جالك البيت يابن غلاب
لاتريوس ورا ثم ياقع الاصطدام= مار سوق المطيه قدمها اشوا لها ماضي الوقت تعرف كاسبين الجهام= والمطيه خبرها عند جمالها |
رد: جالك البيت يابن غلاب
اشكرك اخوي ابن غلاب . واشكرالحاضرين. ولنا لقاء . تصبحون على خير |
رد: جالك البيت يابن غلاب
مشكورين وماقصرتم ياشعارنا وكذلك المتابعين ولنا لقاء غدا انتظرونا....... ابن مشدد |
رد: جالك البيت يابن غلاب
بدري يابو تركي؟؟؟؟؟؟؟؟
عموما صح لسانك وتصبح على خير |
رد: جالك البيت يابن غلاب
إهداء للشاعرين بيض الله وجوههم وصحت اللسنتهم وللأعضاء الكرام ملفي جفين
مرحبا عد من لبا وصلى وصام =عد ما دارت الدلـه وفنجالهـا زارع المشكله بين اللحم والعظام =حطها في حشاه وجاك مشتالهـا ابن غلاب
البقا بالمرحب والضيوف الحشام =عدما بانت النجمـات وهلالهـا كل عاقل مثقف يفرض الاحترام =والمقاريـد فـال الله ولافالهـا ملفي جفين
ياحليل الفهيم الي يعرف الكـلام =والجهازات ماشوش على ارسالها مالعب في البلاد الأ عيال الحرام =مار مال العبيـه غيـر خيالهـا ابن غلاب
زارع المشكله عانه رمته السهـام =دارت الارض بالحيلـه ومحتالهـا وانت شافت عيونك مابقي من حطام =مالعـب فـالاوادم غيـر جهالهـا ملفي جفين
ياجمال(ن)لعب فيها الجرب والهيام =شان طبع الجمال وشانت اشكالها راعي الظلم راح وراعي العز دام =والله الي يجازي النفـس بعمالهـا ابن غلاب
من يحاول يخرب وسط جنح الظلام =طاح حظه وكل منـاه مـا نالهـا وانت ياصاحبي قالو عليك اتهـام =حملة(ن) ساريه شافـوك تبرالهـا ملفي جفين
اقفل السالفه ورجع ثلاثين عام =انت منته خشير الناس فموالها لا تحلمت رح لمفسرين الحلام =مايحل المشاكل غير حلالهـا ابن غلاب
والله انّا هل الشدات وقت الزحام =ماحسبنا صغار الناس وامثالهـا كان دقت طبول الحرب قلنا سلام =ساعة الضيق يابن الناس حنا لها ملفي جفين
لا توقع على التهمه براس البهـام =أفهم السالفه يارجـل وصحالهـا من يبا الحرب عينه مايجيها المنام =يحتزم بالشماغ ويرمـي اعقالهـا ابن غلاب
لو صارت من الي ياخذ الانتقـام؟ =الموازين مانـدري وش احوالهـا فيه ناس(ن)بوقفتها تفـك اللحـام =وفيه ناس(ن) مابين الناس يرثالها ملفي جفين
صار فيك اقتباس وصار فيك احتدام =من برك للحموله غصب يشتالهـا انت منته متابع في صـلاة القيـام =الهواجيس هـذي مالـك اومالهـا ابن غلاب
لاتريوس ورا ثم ياقـع الاصطـدام =مار سوق المطيه قدمها اشوا لهـا ماضي الوقت تعرف كاسبين الجهام =والمطيـه خبرهـا عنـد جمالهـا وتصبحون على خير |
رد: جالك البيت يابن غلاب
صح لســـانكم جميع يابو عيسى ويابو تركي ولاهنتو تمنيت الحظوربدري ومسكت الصفووف ولكن ظروف العمل اجبرتني على التأخير |
رد: جالك البيت يابن غلاب
الله...الله...صحت ألسنتكم جميعاً وعذرونا على التأخر فالنت هنا ماهو مضبوط وانا ما كان عندي خبر بالمحاورة الراقيه هذه وأكثر ما شدني هو موضوعها موضوع الساعه .
الله يعطيكم العافيه ومحاورة قوية بين شاعرين رائعين تقبلوا مروري وأستمتاعي وأشكر الأخوان الحاضرين وعلى رأسهم أبو فهد والذي نسق الأبيات واجملها في الأخير أبن مصاول |
رد: جالك البيت يابن غلاب
للاسف ماحضرت ولاااا كـــان مسكت الصف مير الجايات اكثر ان شاء الله يالربع
وقد لفت انتباهي الرمح اثره شاعر يخوف والدليل تخويفه لبو احسين هههههههههههههه وخلاه يسري ههههههه والله ضحكت من قلبي يابو فهد يابتاع الفرزدق ، اضحك الله اسنانك واضراسك حتى تظهر كأنياب الليث . |
رد: محاوره مباشره بين الشاعر ملفي جفين والشاعر عبدالرحمن غلاب
صح لسان الشاعرين ابو عيسى وابو تركي
|
| الساعة الآن 10:24 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
