والله اني ماهضمت اهل المهايط =وتندبل كبدي لاشفت مهايطيه
فالرخا تلقا سوالفهم سلايط=وفالشدايد كلن يذمه خويه
والله اني لوا اصاحب لي لقايط=عن مصاحبهم ترى نفسي غنيه
دونهم حطيت لي مليون حايط=والخروج امن الحيا ماهو بليه
والا دعاني موقفي والوضع شايط=آتعنصر يلعن ام العنصريه
رجل مابه خير ياكلها خرايط=والخبيل اخبيل ماله قابليه
مايمشيه المجامل والوسايط=وان مشت ياحسين ماتمشي عليه
وبالكلام العام والتوضيح بايط=لو يوقع له وزير الداخليه
العقول اللي من الواقع فرايط=ماتشيد برج مثل الفيصليه
لو تدير اعيونها والقلب خايط=ماتحصل لا كثير ولا بليه
والبلا لا طحت في راع المزايط= يحسبن الطيبه مثل الرديه
ودك اتلوطه على حلقه بلايط=لين يركد للعلوم الواقعيه
وكل شي يهون مع راع المهايط=مذهبه سامج ولا عنده حميه

والله اني ماهضمت اهل المهايط =وتندبل كبدي لاشفت مهايطيه
فالرخا تلقا سوالفهم سلايط=وفالشدايد كلن يذمه خويه
والله اني لوا اصاحب لي لقايط=عن مصاحبهم ترى نفسي غنيه
دونهم حطيت لي مليون حايط=والخروج امن الحيا ماهو بليه
والا دعاني موقفي والوضع شايط=آتعنصر يلعن ام العنصريه
رجل مابه خير ياكلها خرايط=والخبيل اخبيل ماله قابليه
مايمشيه المجامل والوسايط=وان مشت ياحسين ماتمشي عليه
وبالكلام العام والتوضيح بايط=لو يوقع له وزير الداخليه
العقول اللي من الواقع فرايط=ماتشيد برج مثل الفيصليه
لو تدير اعيونها والقلب خايط=ماتحصل لا كثير ولا بليه
والبلا لا طحت في راع المزايط= يحسبن الطيبه مثل الرديه
ودك اتلوطه على حلقه بلايط=لين يركد للعلوم الواقعيه
وكل شي يهون مع راع المهايط=مذهبه سامج ولا عنده حميه