المشاركة الأصلية كتبت بواسطة ملفي الميزاني (المشاركة 275225) ياهلا مرحبا من داخل اعماق جوفي = من هواجيس شاعر كل صعبه عسفها كان عقلك سليم وكان عيني تشوفي = القحاطين مابارت بوجه محلفها

المحاورة بتاريخ 10/4/1431هـ

احمد العوفي
ياسلامي على اللي بالمهمات يوفي=لاعتم الجو بالدخان حقق هدفهـا
لعبنا بين ميزاني ومابيـن عوفـي=والوسوم الشهيره كل واحد عرفها

ملفي الميزاني
ياهلا مرحبا من داخل اعماق جوفـي=من هواجيس شاعر كل صعبه عسفها
كان عقلك سليم وكان عيني تشوفـي=القحاطين مابـارت بوجـه محلفهـا

احمد العوفي
البقا ياعميل وكـل علـم معروفـي=والله اني ما اجيب اللي قليلن خلفها
الخوي له معزه غير لو كان صوفي=انشد اللي كبير يعد ماضي سلفهـا

ملفي الميزاني
بين طق الرماح وبين صقع السيوفي=ياعسى احمد مجود بندقه ماحذفهـا
كان تبغا الحسا لازم تمر الهفوفـي=السما فوق والدنيا على الله خلفهـا

احمد العوفي
لاتعلت على المشدود ذيك الهنوفـي=ياتعاسة شواويـن بحظـه صدفهـا
ومن كتب رقعة المنسوخ يقراه كوفي=لايهمك ترى الدنيا كثيـر ن لهفهـا

ملفي الميزاني
يالحريبي ليا رجعّت دلوك نصوفـي=ماطيب اللي على الجمه ودلوه نصفها
انت وسط الحرم محرم وودك تطوفي=مير قرّب من الكعبه وقبـل طرفهـا

احمد العوفي
يوم بعض العرب يشرب بنص الكفوفي=شفت دلوه عن الجمه كثيـر ن زلفهـا
ادري انك على الميراد حدك ظروفـي=لاتشوح النظر بالبـرق ثـم يخطفهـا

المشاركة الأصلية كتبت بواسطة أبن مصاول (المشاركة 275436) محاورة رائعه أستمتعت بتتبعها وانتما شاعران مبدعان ونغبط انفسنا بوجودكما بيننا .. الأخ احمد العوفي شاعر معنى والفاظ قويه يسعدنا تواجده الدائم معنا ... تنسيق المحاوره : عناية المشرفين

القدير ابو ركان


كل الشكر لمرورك والتنسيق الرائع0


تحيتي

المشاركة الأصلية كتبت بواسطة سهام م (المشاركة 276332) صحت إلسنتكم أخواني احمـد العـوفـي ملفي الميزاني