المحاورة بتاريخ 21/12/1431هــ


علي حميدان الدجيما

تراي جيتك يالعقيلي في محلك لاتغيب=انته تحدا والرجال اليا تحدت جيتها
خابرك ذيب ولايضدك فالمواقف غير ذيب=حتيش لو كل السنون الجارحه حديتها

يامرحبا بالرامي اللي لارمى الصيدة يصيب=لاعاد تنشدني عن علومٍ وانا موحيتها
مال البنادم غير مايكتب له الله والنصيب=مير الفرس هاذيك بعد العصر وش سميتها

ترا الدجيما مايودي من فراغ ولايجيب=لاكنك اخشع في صلات الظهر لاصليتها
ماني مسميها وانا اشوفك مسند لك شعيب=ياليتها ماجاتنا من يمكم ياليتها

الظاهر انك شاعرٍ مامر بك وقتٍ عصيب=ولاذقت ويلات الليالي مرها وحلتيتها
وفي وسط ربعك صرت في لمحة بصر مثل الغريب=ولو دريت ان الاوادم صم ماخاويتها

ترا الرغا بعد الهدير الله يبارك فيك عيب=وانت القديمي بعد ماحديتها رديتها
وشلون تذن وانت ماحصلت للمسجد خطيب=عزالله انك في هذيه ذمتك مبريتها

تر المنادي لارفع صوته ولاله من مجيب=يبا يسويها كذا مثلي كما سويتها
سندتها على جبل ثم حط له دوني صحيب=وكلن يشير ام الكباير لين هدو بيتها

اما تصلح غلطتك ولايبا راسك يشيب=وتعود الدعوا على راسك بعد ضويتها
تبا توقع فاللحم ولا توقع فالصليب=اليا ضبطنا عقرب الساعه على توقيتها

ابشر بعزك ياعلي بكره قبل شمس المغيب=انا ليامني وردت مع الجمال ارويتها
نروى الجمال ونروى العطشان ونحب اللبيب=اقول وافعل واروي سيوفي ليا سليتها

انا ادري انك شاعرآ وافي ومع ذالك اديب=ومع الاسف يابو حمد خميتها وخطيتها
منته مشبب لو قالوا لك مشبب ياشبيب=ولعت نارك في طرف ثوبك ولا طفيتها

الا انت مالك في امورٍ مايعالجها الطبيب=والا؟ تمن بسجةٍ من يمنا سجيتها
خلك ورا هاك الديار اللي حياها مايغيب= واسلم وسلم لي على مسكه ليا مريتها

انا احمد الله مالحقني شك في فعلي وريب=وبيبان بيتي في وجيه امطير ماصكيتها
يابو حمد مايصلح الباطل مع الحق المصيب=وانته تبا تكحل عيون الفاتنه وعميتها

يهيب ياوجه الردي؟والا انت تكرم عن يهيب=مطير جاتك تشتكي مني ولا شكويتها
مطير منت لسانهم في موقع الجمع الرهيب=وان جات تبغى العز من شرواك ماعزيتها

الضاهر ان الدلوا طاحت بالرشا وسط القليب=وردة حيام وصدرت يالعبدلي مسقيتها
والخلفه اللي ديدها مصرور مافيها حليب=ليتك قبل يرضع ولدها ديدها ذكيتها

وش فيك في تالي العرب كنك تدور لك ذهيب=تبغى لك دروبًٍ تغيب الشمس مادليتها
مالك نصيب فالعشا لامن بعيد ولا قريب=مادام دلوك قدم دلوي فالثراء دليتها

المشاركة الأصلية كتبت بواسطة علي حميدان الدجيما (المشاركة 403415) الله يعطيك العافيه شاعرتنا القديره ملكة القوافي على هالتنسيق الرائع تحياتي لك وتقديري

المشاركة الأصلية كتبت بواسطة ابو هاجوس (المشاركة 403286) وش سميتها الله الله صح لسانك العقيلي

المشاركة الأصلية كتبت بواسطة ولدالدويلة (المشاركة 403328) اسف على الدخول المتاخر وكفو اخواني الشاعرين عبدالرحمن العقيلي وعلي الدجيما والليل يالصفوف

سندتها على جبل ثم حط له دوني صحيب
وكلن يشير ام الكباير ليـن هـدو بيتهـا

مالمقصود بأم الكبائر هنا ؟

لانه سبق وان طرح سؤال عنها ولم نعرف الإجابة .
http://www.almizany.com/showthread.php?p=383951#post383951


ولكم من جزيل الشكر والتقدير ..