منتديات الموازين الرسميه - ومن يحضر الليله هلا مرحبابه

منتديات الموازين الرسميه (http://www.almouazeen.com/index.php)

- المحاورة بين أعضاء المنتدى (http://www.almouazeen.com/forumdisplay.php?f=45)

- - ومن يحضر الليله هلا مرحبابه (http://www.almouazeen.com/showthread.php?t=38783)

رد: ومن يحضر الليله هلا مرحبابه

صح لسان الجميع .. ومتابعين معكم ويعطيك الف عافيه

رد: ومن يحضر الليله هلا مرحبابه

صح لسانك أخوي الشاعر لطام
و صح لسانك أخوي الشاعر ابو هاجوس

محاورة جميلة و ممتعة
و الله يعطيكم العافية

رد: ومن يحضر الليله هلا مرحبابه

صحت إلسنتكم والله يعطيكم العافيه

رد: ومن يحضر الليله هلا مرحبابه

لطآم

سلامي على اللي يحتمون المطاريش=سلام الوفاء لأهل الوفاء بالنيابه
ابا اقدّم على الميدان في مقدَم الجيش=ومن يحضر الليله هلا مرحبابه

ابو هاجوس

هلا عد همال المزون المراهيش = ليا دن رعاده وسمهل سحابه
عسى الطير ضافي من على جسمه الريش = وطيرن بليا ريش ماينغزابه

لطآم

تعيش القبيله كلها وانته اتعيش=وعز المجَرد يا صحيبي نصابه
أبشرك طير ولا وقع فالمباليش=يا طيرٍ عليك اسبوق في سد لابه

ابو هاجوس

يالطام بعض الهرج مايوكلك عيش = وسيفن ماينفع باللقاء وش تبابه
طيور الفضاء واجد وتحتاج تفتيش = اذا منت صقر الجوو منته غرابه

لطآم

ترى السيف لا حان الوعد والمهاويش=يخلي ترى الميدان يشبع ترابه
اشوف اب.ضلام الليل عدت خفافيش=وانا في مقامي كان راحت طِلابه

ابو هاجوس

ترانا رجال ونعرف عماش وعميش = وكلن على قده يفصل ثيابه
كبار العلوم يجبها الخبل والديش = وهاذي عوايدهم ولابه غرابه

لطآم

يا راع البنادق ليش يا ليش يا ليش.؟=تسري على العربان مسرى الذيابه
ترى الأوله عدت وحاذر من الطيش=قبل لا تشوف الذئب كشر بنابه

ابو هاجوس

يالطام لاتطلع مع الناس درويش = نهارك مثل ليلك معتم ضبابه
ألا يامحذرني تحذر على ويش = ترى منت ضمن الانبيا والصحابه

لطآم

يا هاجوس انا فعلي نهار المناويش=تناقله كل العُرب وكلٍ درابه

ابو هاجوس

من الشام لاحد اليمن رحلة قريش = ولطام نجهل دربه اللي مشابه
عسا الله يعينك يالكبود المعاطيش = ولطام جاه الشيب باول شبابه

لطآم

من الشام لحدود اليمن فيه تفتيش=ولطآم يعرف من عزاوي شبابه
تبى تارد اعدود وعدودٍ نقاريش=على عد كل العرب تحسب حسابه

رد: ومن يحضر الليله هلا مرحبابه

سلامي على اللي يحتمون المطاريش // سلام الوفاء لأهل الوفـاء بالنيابـه
ابا اقدّم على الميدان في مقدَم الجيش // ومن يحضر الليله هـلا مرحبابـه
..
ترانا رجال ونعرف عماش وعميش // وكلن علـى قـده يفصـل ثيابـه
كبار العلوم يجبها الخبـل والديـش // وهاذي عوايدهـم ولابـه غرابـه
.
من الشام لاحد اليمن رحلة قريش // ولطام نجهل دربه اللـي مشابـه

..

صح لسسااانك ياا لطاام ولاهنت

ابو هااجوس صح الله لسساانك وابدعت .

.

رد: ومن يحضر الليله هلا مرحبابه

صحة أبدانكم جميع والله لا يهينكم

رد: ومن يحضر الليله هلا مرحبابه

محاوره قويه وممتعه من شعراءنا لطام وابوهاجوس
صحت السنكم جميعا

رد: ومن يحضر الليله هلا مرحبابه

محاوره رائعه صح السنة الشاعرين

وباالتوفيق

رد: ومن يحضر الليله هلا مرحبابه

صح لسانك اخوي

متابع انتظار قبيلك

رد: ومن يحضر الليله هلا مرحبابه

اشكر جميع من مر على هذه المحاوره وصحح لاهنتو

والشكر موصول الى الاخت ملكة القوافي على متابعتا للمحاوره

وتنسيقها : تحياتي وتقديري للجميع