عيدكم مبروك فدياركم ياهـل القصيـم=وعيدنا مبروك في مشرفـه وحدودهـا
يابو تركي انتهينا مـن النهـج القديـم=وانت تعرف ويش نقص العلوم وزودها

ياعساك بخير دايم يابوعقل (ن) سليم=والسوالف نعرف اصدورها وورودها
انت لونك تعرف السـراط المستقيـم=كان ماشبيت نارك ودخـن عودهـا

انته منول على الناس رجال(ن) حليم=يوم بعض الناس جاها مرض بكبودها
نارنا لاولعت جمرها وسط الصميـم=لوينوشك جمرهـا ماتزيـد تعودهـا

ماتغيرنـا ونـعـط اليتيـمـه واليتـيـم=وانته اتعقل المطيه ونوب اتقودها
ناركم برد وسلام وسماكم فيه غيم=مارميز بين بيض الليال وسودهـا

ياوسيـع المعرفـه مايجـود الاالكريـم=الله انـه لايوفـق عــدن وزيـودهـا
كان صادق حط رجليك في وسط الجحيم=كان قربـت الفتيلـه لخشـم زنودهـا

يابـن حميـدان مـن يمنـا ماجـاك ضـيـم=وانت في وسط السريه وضمن جنودها
كان فارس صبح القوم فـي حـرة سليـم=لاتـقـوم اتـحــرث الـنــار يامـقـرودهـا

انت ماصليت مابين زمزم والحطيـم=ضعت واهل المنتدى ضيعت مجهودها
لاتوصيني على القوم انا ماني غشيـم=كم جمالن وسمنا واضحن بخدودهـا