|
رد: تعال يا ملفي جفين
ضحية العيد يذبحها بناخي وخال = مادام طاح الجمل ماعاد نسمع هدير شعيل دمه على روس السكاكين سال= يالله دخيلك من النكبه وحوس المرير |
رد: تعال يا ملفي جفين
يعطيكم العافية وبيض الله اوجيهكم جميعا ولنا لقاء غدا ان كان الله احيانا واتمنا ان تكون بدري. والمعذرة على القصور |
رد: تعال يا ملفي جفين
صح لسانك يابو تركي ووالله ان اللعب معك يشرف ووجودك في هذا المنتدى مكسب للجميع
واشكر كل من تابع هذه المحاوره من الاعضاء وننوه من هذا المنبر بأن غدا سوف تقام محاوره مع الشاعر الكبير ملفي جفين ومن اراد اللعب معه عليه ابلاغنا حتى ننسق لكم والف شكر مره اخرى |
رد: تعال يا ملفي جفين
صح اللسانكم جميع ولاهنتو وبيض الله وجيهكم يابو عيسى ويابو تركي |
رد: تعال يا ملفي جفين
بيض الله وجيهكم جميعاً ومحاورة رائعة جمعت مبدعين من أبناء ميزان في فن المحاورة وإن شاء الله غداً لنا لقاء
|
رد: تعال يا ملفي جفين
تستاهل الوسام يا أبو جفين .....نظراً لحضورك وإبداعك
|
رد: تعال يا ملفي جفين
بيض الله وجيهكم جميعاً ومحاورة رائعة جمعت مبدعين من أبناء ميزان في فن المحاورة وإن شاء الله غداً لنا لقاء
|
رد: تعال يا ملفي جفين
بيض الله وجيهكم وسراحه محاوره ممتازه بكل ماتعنيه الكلمه
ومن افضل المحاورات التي مرت على هذا المنتدى وليش ماتكون الافضل وهي من شاعرين مبدعين مثل ابوتركي وابوعيسى ماشا الله على ابوعيسى دايمن حضوره مشرف سوا فالنضم اوالمحاوره اما ابو تركي اكبر من شهادتي لانه شاعر محاوره قديم ويجيد هذا الفن بمتياز نتمنا لكم التوفيق ولانكتفي بهذه المحاوره مطلوب منكم الكثير ابو تركي وابو عيسى |
رد: تعال يا ملفي جفين
صحت اللسنتكم وبيض الله وجيهكم على هذه المحاورة الرائعة بين شاعرين غنيين عن التعريف وتكفيرا لإنسحابي من المحاورة قبل إنتهائها نظرا لوجود عمال في المنزل أقدم لكم ملخصا لها ابن غلاب
سلام تسليمة (ن) مني تخص الرجـال= الي لهم ساعة الشدات سيف(ن) شطير اقول ياملفي بن جفيـن يمـي تعـال= يالشاعر الي مع الشعار وضعك خطير ملفي
يامرحبا عد مالاحت بروق الخيـال = ياربعنا الي معزتكم بوسط الضمير انا قريب ماني ببعيد يابن الحـلال =وقول ياجعل فالموضوع خيره وخير ابن غلاب
خابرك فيما مضى شاعر تشد الرحـال =وتقول انا رافع (ن) بالشعر راية مطير لكن في تالـي الايـام قـل الوصـال =وتغير العلـم كلـه فالزمـان الاخيـر ملفي
تراي شاعر وحل معقدات الحبـال =والي يخلي لزوم مطير مافيه خير مازلت في ماقفي وفعولنا لاتـزال =لكن ظني ماتدري فالبلد وش يصير ابن غلاب
انا ادري انك صقر ماكرك روس الجبال =والحر من عادته يرغب براس الشهير ياملفي جفين حمل شعيل وشفيه مـال =من جهز الحمل من شاله بظهر البعير؟ ملفي
مدام قهويتني من كيف صفر الـدلال =نبا نرشحـك بكـره لـلادارة مديـر منته مكلف وش الي في ظهور الجمال =دام المنايـا رحهـا فوقكـم تستديـر ابن غلاب
ليتك تجاوب يابو تركي بقد السؤال =والا عن السالفه ياصاحبي تستخير وانا مدير الاداره من قديـم الليـال =مااحتاج ترشيحكم ياهل المقام الكبير ملفي
انت علومك دخل فيهـا حـرام و حـلال =ياوارد (ن) فوق عد الماء بحبل (ن) قصير ترى الحقيقه يابن غلاب عكـس الخيـال =يازارع البـر بـرك لا تحصـده شعيـر ابن غلاب
ليتك سمعت الخلاوي يوم غنا وقـال =وليتك سمعت الفرزدق يوم وصا جرير وانا علومي تسجل بالجرايـد مقـال = آرد على بحر ماعمري وردت الغديـر ملفي
نسمع وندري وبعض الهرج ماله مجال =والجوهرة فالبحر والبحر موجه غزير ترى علوم الجرايد ماهي براس مـال =لكن خلك على روحك حليم (ن) بصير ابن غلاب
ضحية العيد يذبحها بناخـي وخـال =مادام طاح الجمل ماعاد نسمع هدير
شعيل دمه على روس السكاكين سال =يالله دخيلك من النكبه وحوس المرير |
رد: تعال يا ملفي جفين
أحسنت التنسيق يا أبو فهد ولا هنت
|
| الساعة الآن 08:40 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
