ملفي جفين

الصاحب الي نفقده كل ماغـاب =الله يــرده يمـنـا بالسـلامـه

شاعر مع الشعار يحسبله احساب =ويفرض على كل الجميع أحترامه




علي حميدان

ياملفي ابن جفين ياكثر الاصحاب =والرجل دايم نجدته مـن حزامـه

واللي بجنبه يدحم اصحاب وجناب =عـزالله انـه ماتجيـه الملامـه




ملفي جفين

اسبح بحر واطلع على راس مرقـاب =وخاو الزعيم اللـي يشيـل الزعامـه

ابنشدك عـن علـم ماعنـه مجنـاب =وعيب(ن) على رجل(ن) مايثبت كلامه




علي حميدان

خل البحر لاكن لاتقرب الداب =انكان جسمك ماتشيله عضامه

انشد وانا خابرك منته بكذاب =والعالـم الله تاتقـوم القيامـه




ملفي جفين

ركز مع الموضوع لاتقفل البـاب =ونتـه كريـم وتستحـق الكرامـه

هل تعلم انته ويش سوى ابن غلاب =بيـع اجمالـه وشترالـه نعامـه




علي حميدان

انا معك وادري ببو زيد وذيـاب =واللي مخالف يستحـق الغرامـه

واللقمه اللي تكسر الضرس والناب =لوا ذاقها الرجـال نـزل مقامـه




ملفي جفين

لشعـر شعـاره وللحـق طـلاب =علم به اللي غاطس(ن)في منامـه

يابو حسين ان كان صاحبك ماتاب =والله ليرجـع بالفلـس والندامـه




علي حميدان

كلن علـى قـده يفصلـه اثيـاب =والمسلم الصايم جرحتـو صيامـه

وانا صحيبي لو فتل روس الاشناب =علـى شجاعـه مافتلهـا رخامـه

العفو يابوحسين

العفو يالسيف القاطع

لاشكر على واجب