|
رد: سليط اللسان (( لسانك حصانك))
اقتباس:
صح لسانك.:1blue1::1blue1::1blue1::1blue1: |
رد: سليط اللسان (( لسانك حصانك))
صح لسسسسسسسانك ياسليط اللسان
اطربتنا الليله يالقرم شكرا لتلبية الطلب والشكر موصول لكل من مر من هنا والمعذره على عدم التنسيق مع المشرف لاهنتوا جميعا والختام عندك ياشاعرنا |
رد: سليط اللسان (( لسانك حصانك))
اقتباس:
اخذ راحتك يالظويفري .نحن متواجدين اربع وعشرون ساعة لخدمة مثلك وشرواك |
رد: سليط اللسان (( لسانك حصانك))
تلعب على معنى وحبلين معنى وحبلين = وانته تضك الجال للجال الجال للجال اختار لك حلن وحلين حلن وحلين = والا اقول حلًن وترحال حلًن وترحال تقلبو تحياتي والله لايهينكم ياصفوف وخاصه ابو ركان والله لايهينه على التنسيق |
رد: سليط اللسان (( لسانك حصانك))
صح السنتكم ياشعارنا وبيض الله وجيهكم.ونتظروا تنسيف المحاورة
|
رد: سليط اللسان (( لسانك حصانك))
صح لسنتكم شعارنا والله يبيض وجيهكم والمعذره على عدم المتابعه لنشغالي بتنزيل صور لقاء حائل
|
رد: سليط اللسان (( لسانك حصانك))
بيض الله وجهك يابو سعيد وشاعر وافي والمعذره على التاخر عند البدايه مشغول بالحيل ويابو ركان ماقصرت على كل شي اقسم بالله تستاهل قصيده ولا تسوي شي بعد وخلنا ليليا كذا نستفيد من بعض والدعوه وناسه وشكرااااااااااااااااااااااااااا
|
رد: سليط اللسان (( لسانك حصانك))
المحاورة الاولى بتاريخ 5/1/1431هـ عبدالمجيد الظويفري سلام رديه تزيد الطيب طيـب=والطيبه لأهل المعاني طيبهـا دلوك تعثر وانقلب وسط القليب=والجمه العذبه عوالـك ذيبهـا سليط اللسان يامرحبا ترحيبتن واخذ المجيب=والاوله في ذالشنـب لجيبهـا وردتها يوم انها تخطي وتصيب=والعله القشـرا تـرى ماليبهـا عبدالمجيد الظويفري عزالله انك جيت ولسانك عطيـب=ليلتـك يالطيـب تبـا تسريبهـا ماتدحم العربان وارواك السريـب=غابت عليك الشمس وابطى غيبها سليط اللسان اشرتلي وانا فـي شارتكـم لبيـب=ماني كما عقـرب تلـوي ذنيبهـا وجهي مع العربان سيفن من نصيب=والشاطر اللـي يستمـع ويجيبهـا عبدالمجيد الظويفري كنا نحسب انك على المنبر خطيب=واثرك تجيب الكلمـه وتخطيبهـا عارضك يلمع والبلا مليان شيـب=وام اليتاما بينـت لـك شيبهـا سليط اللسان راحت تحدربك شعيبن في شعيب=واثـرك تخطفهـا ولا اتجيبهـا علمك هذا ياصاحبي امره غريب=لا تضحك امن اللعله ثم تبليبهـا عبدالمجيد الظويفري جاك الطبيب وقال جرحك مايطيب=اجبر عظامك قبـل لا تمشيبهـا علمي هذا مضرابه العظم الصليب=عسى الضلوع العوج ماتبطيبهـا سليط اللسان جاني طبيبن اقشرن ماهو طبيب=راعي دنافس يختـرع ويجيبهـا ماقصدي قولك انت رجالن حبيب=البارحه زادة شكـوك وريبهـا عبدالمجيد الظويفري انا حريبك يوم كلٍ له حريـب=يمناك قدم القوم لا توميبهـا ماني رقيبك والله الخالق رقيب=بعض الاوادم شرها من عيبها |
رد: سليط اللسان (( لسانك حصانك))
المحاورة بتاريخ5/1/1431هـ سليط اللسان سلامي في دار الموازين دار الموازين=اهل الوفا والعز والفال العـز والفـال ميدان عن كل الميادين كل المياديـن=ياصاحبي والعلم مازال والعلم مـازال عبدالمجيد الظويفري باسمي واسم كل الميامين , باسم الميامين=يامرحبا في دار الابطال , في دار الابطـال عطني علومك بين قوسين , من بين قوسين=بكره تسولف عنك الاجيال , تبقى للاجيـال سليط اللسان اثرك عميلن لسلاطين عند السلاطيـن=جنيهكم مايرجع اريال مايرجع اريـال خابر علومي دون تبيين من دون تبيين=لاتروح هيه ايمين وشمال ايمين وشمال عبدالمجيد الظويفري انا عميلٍ للمواليـن , بيـن المواليـن=اللي هواها بدع الامثال , تطرب للامثال ماني بقايلك على وين , هذي على وين=مادامها شيله وتنشال , شيله وتنشـال سليط اللسان ياهيه تلعبها على مين تلعـب علـى ميـن=ماهو في عقلي جني واهبال ولا حوله اهبال تبغى تحوس الزين والشين الزين والشيـن=شد الحناجر جـر مـوال جرلـك مـوال عبدالمجيد الظويفري لو ماتغشك ضحكة العين , ياصاحي العيـن=يمكن نشدتك كيف الاحوال , وشلون الاحوال شاعر وتنقصك الدواوين ,مالـك دواويـن=واليوم اشوفك صرت خيال , فارس وخيـال سليط اللسان تلعب على معنى وحبلين معنى وحبلين=وانته تضك الجال للجال الجال للجـال اختار لك حلن وحلين حلـن وحليـن=والا اقول حلًن وترحال حلًن وترحـال |
رد: سليط اللسان (( لسانك حصانك))
يابو ركااااااااااااااان عندك خطا الرد الاخير انا عدلت ارجع وشوفه والا اقول حلًن وترحال حلًن وترحال الله لايهينك
|
| الساعة الآن 11:33 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
