من خصايص عنود الصيد كثر الطواري= وعادة الظبي يجفل لاتـحرك ظلاله
ما يصيدالجوازي كـود بخصٍ وضاري= القنص بالركـاده والتسرع جهاله
ولايعرف الطرد من لايعرف الصحاري= ماتعرّض سـموم ولاتعرض شـماله
كـلّ دربٍ عليه من المخاليق سـاري= للسـوالف رجال وللشكاله رجاله

التايــه اللي جاب بصـري يقنــه= جدد جروح العود و العود قاضــي
جينــا نحــب ونطلب الله جنــه= جنــة نعيمٍ يوم يبس الحياضــي
ياليـت كانت حبتــي في معنــه=يوم العيون عن الخوامل غواضــي
يامن يعاونــي على وصف كنــه= اشقــح شقاح ولاهقٍ بالبياضــي
لا ريحـةٍ قشــرا ولا هي مصنـه= ريح النفـل بمطمطمات الفياضــي
ونهودهــا الثوب الحمر شولعنــه= حمرٍ ثمرهنٍ واقفـاتٍ غضاضــي
و الخـد ذابـوح القلوب المرنـه= براق مزنٍ لاعـج اللون ياضــي
ياليت لو سنــي على وقم سنــه= بايام ما بينـي وبينـه بغاضــي
ايام جلــد الذيــب عندي محنـه= نصبح وزرق الريش لهن أنتفاضي
وا جرح قلبــي جرح وادٍ وطنـه=غر المزون اللي وطنه وفاضــي
والبيـض قبلــي محسنٍ عذبنــه= ونمرٍ على وضحا جرا له عراضـي
والبيـض كــم من واحــدٍ يبسنــه= يبست شماشيـل العذوق النفاضــي
عزي لمن غر الثنــايا كونــه= واركن على كبـده كوايٍ اعراضـي
شوفــي بعيني و الخدم يركبنــه= بنت الشيوخ مخدميـن الحياضــي
على اشقحٍ من زمل ابوها مظنــه= ركبـت عليه اتشنطحٍ بعتراضــي
بمشجــرٍ من سوق هجرٍ مغنــه= على خياطه ناب الارداف راضــي
واين انت يا مشفٍ على طردهنـه= انا طويت ارشاي واقفيت قاضــي
أحدٍ يطيــح بنـار وأحدٍ بجنــه= وترى الحظيظ اللي له الرب راضي

ياليتنـا مـن حجنـا سالمينـا=كان الذنوب اللي علينا خفيفات
رحنا نبي نخفف ذنوب علينـا=وجينا وعليها كثرها عشر مرات

المشاركة الأصلية كتبت بواسطة بائعة الزهور (المشاركة 6964) ^^ ماشاء الله عاد مدري انا وش صاير بس حبينه نسلم عليكم واقوول لكم اني عضوه جديده ^^ لاعاد قولي قسم الزبده ابي اختصر موضوع الترحيب لاني نفسي ما احب ارحب بحد هع فلذلك تشرفت بمعرفتكم والسلام عليكم ورحمة الله وبركاته ^^ اخييرا

المشاركة الأصلية كتبت بواسطة وزير بدون وزارة (المشاركة 6991) و عليكم السلام ورحمة الله وبركاته .. ومرحبا فيك يا بائعة الزهور .. .................................................. ............... و حقيقة بعد الأبيات يا " ابن مصاول" تذكرت موضوع لي كتبته و كان من ضمنه أبيات لشاعر أعجبتني و أوردتها فيه .. و أحببت أن اضيفها في مجلسكم هذا .. رضاك خير من الدنيا وما فيها ... وانت للنفس اشهى من تمنيها الله اعلم ان الروح قد تلفت... شوقا اليك و لكني امنيها ونظرة منك يا سؤلي ويا املي...اشهى الي من الدنيا وما فيها اني وقفت بباب الدار اسألها... عن الحبيب الذي قد كان لي فيها فما وجدت بها طيفا يكلمني... سوى نواح حمام في اعاليها يا دار اين احبائي لقد رحلوا... وياترى أي أرض خيموا فيها قالت:قبيل العشا شدوا رواحلهم... وخلفوني على الاطناب ابكيها لحقتهم فاستجابو لي فقلت لهم:... اني عبيد لهذي العيس أحميها قالوا:أتحمي جمالا لست تعرفها... فقلت:أحمي جمالا سادتي فيها قالوا: ونحن بواد ما به عشب ... ولا طعام ولا ماء فنسقيها خلوا جمالكم يرعون في كبدي ... لعل في كبدي تنمو مراعيها روح المحب على الاحكام صابرة ... لعل مسقمها يوما يداويها لا يعرف الشوق الا من يكابده ... ولا الصبابة الا من يعانيها لا يسهر الليل الا من به ألم ... لا تحرق النار الا رجل واطيها

قالوا: ونحن بواد ما به عشب=ولا طعام ولا ماء فنسقيها
خلوا جمالكم يرعون في كبدي=لعل في كبدي تنمو مراعيها

المشاركة الأصلية كتبت بواسطة ستار2005 (المشاركة 7129) ابن مصااول يعطيك الف عافيه فكره جيده http://nhgdksler.googlepages.com/gif