الا يالهبوب الي على رغبتك تمشين = تروحين من ديره وتمسين في ديره
ابا اعطيك مرسولي تودينه الغالين = تودينـــــــــــــــــه الي مبعداتٍ مشاويره
وقولي له اني من فراقه سهير العين = اخيل السحاب الي تكاشف نواويره
ليا شفت برق الليل يبرق ونوه زين = ذكرت السنين الماضيه يالله الخيره
تذكرت يوم انّا على فالنا ماشين = نشم النفل والعشب نقطف ازاهيره
ولابينّا حاسد ولابينّا واشين = وجيه النمايم مالهم عندنا سيره
ودامت علاقتنا قرابة ثلاث سنين = بعز وشرف والكل معروف تقديره
ومن بعدها صرنا بوسط البلد ناحين = انا شرق وانتي غرب يا ما ابعد الديره
وصرنا كما الاغراب عقب الرخا واللين = علينا الزمان الشين دارت دواويره
ياشين الفراق ولوعته والزمان الشين = ليا صارت الاوضاع ميله ودحديره
ولكن نبي نصبر ومن ربنا راجين = وهو عالمٍ بالحال ويعرف تقديره
وحنا بقسمة ربنا دائما راضين = رضينا بما يقسم لنا شره وخيره
لعل الكريم برحمته يجمع الاثنين = على ملة الاسلام ما عندنا غيره

ياشين الفراق ولوعته والزمان الشيـن=ليـا صـارت الاوضــاع ميـلـه ودحـديـره

المشاركة الأصلية كتبت بواسطة بنيدر الميزاني (المشاركة 65627) هلا وغلا بأابو عيسى استضافه موفقه وتشكرون عليها من خلالها نتعرف على شاعرنا العذب عبد الرحمن وهذا ماكنا نطمح اليه ويطمح له اي عضو يحب يعرف شي عن عبد الرحمن غلاب لاشك تأخرت عن الحضور لانشغالي ولكن كفيتو ووفيتو عندي سؤالين لضيفنا س1- عبد الرحمن هل تكتب الشعر بأسماء اخرى؟ يعني مستعاره وهل تؤيدها؟ س2- لماذا لانراك بكثرره في وسائل الاعلام وخاصه الشاشه الفضيه؟ س3- ابيلي بيتين غزل من اللبويتات اللي يحبها قلبك ؟ اخيرا شكر للاخوان على الاستضافه اللتي تقربنا من شعارنا وتفتح قلوبهم لنا

يازين لاتنسى وانا اوعدك ما انساك = اصبر على ظيم الليال وقهرها
حتى يجي يومٍ ونسعد بلقياك = ومعك الليال السود يوضي قمرها
واعيش تال العمر يازين واياك = والشجره ام غصون نقطف ثمرها
انتي منات الروح وانا اتمناك = ولا غيركم بالكون حالي دمرها
ما القا مع العربان مثلك وشرواك = لو رحت يم البر والا بحرها
واللي يلوم القلب يبلى بحلياك = حتى عيونه يهتويها سهرها
ويذوق ماذقناه من عقب فرقاك = وعينه على الاحباب تنثر عبرها
اما يشد الحبل ويدوس الاشواك = ويوري النفس الحزينه سررها
والايهون عن هوا ذاك مع ذاك = ويدري حياة العشق هذي دبرها