صح السنتكم ياشعارنا وماقصرتم وعليكم بياض الوجه. وموعدنا ان شاء الله يوم الاربعاء ليله الخميس نامل من يرغب المحاورة تسجيل اسمه.وسوف اقوم بتنسيق المحاورة انتظرونا.



اخوكم

ابو راكان

المحاورة بتاريخ 7/11/1430

خالد الوبيري الشمري

سلامي عليكـم يارجـال الموازيـن=رجال الوفا مـن ماضيـات الليالـي
لو ألقى بعد ماجيت وحده من أثنيـن=ابصرف ذهب فالسوق والسوق غالي


السيف القاطع

هلا مرحبا واعداد جمـع الملبيـن=هلا يالوبيري عـد وبـل الخيالـي
ترى اللي يزورونا يروحون راضين=نكمل له احقوقه علـى كـل حالـي


خالد الوبيري الشمري
ترحب على عز وشرف يأحمر العين=ولاهي غريبـه يازحـول الرجالـي
تعرف الرساله لاقريـت العناويـن=وأبى أحط وسمي في خدود الجمالي


السيف القاطع
ارحب واهلي بالرجال العزيزيـن=هذا طبعنا من ماضيـات الليالـي
على وين رايح يالوبيري على وين=اضن المنيـه قربـت والزوالـي



خالد الوبيري الشمري
عسى الله يجمل حالكم قولو امين=ونعمين والله ياكـرام السبالـي
ليا من بغيت اتروغ يسار ويمين=أبى أزويك فالميدان يأبن الحلالي


السيف القاطع
ترى ماعليكم زود وصلين وافيـن=عساء جيبك من المال ماهو بخالي
اهل نجد تعرفهم رجال(ن) سلاطين=ولا انته شمالي جاين امن الشمالي


خالد الوبيري الشمري
ياليتك تفزع ياولد ملفـي جفيـن=بل وسط عينك لانحـط الخلالـي
أثرك الله يسلمك شاعر على الدين=نسيت الأجابه يوم جاك السوالـي


السيف القاطع
ترانا بخير ونعطـي المستحقيـن=ومن دون ملفي يقنعك راس مالي
ترى حملنا يكسر ضهور البعارين=بترجع وريقك مر ماهـو بحالـي


خالد الوبيري الشمري
أنا أعرف سعيد وابن غازي والألفين=ليا وقفـوا فاللعـب مثـل الجبالـي
أبرجع رصيدي يالمطيـري ملاييـن=واخليك ترجع يأبن الأجـواد خالـي


السيف القاطع
ولو تعرفهم ماعرفت القوانيـن=ولو كل ليله يالوبيـري تلالـي
نعرف اليتاما والفقارى المساكين=عسا فالهم بالوقت ماهو بفالـي


خالد الوبيري الشمري
ياليتك تصحصح دام الأجواد صاحين=تحراك ربعك وانت ضايع وسالـي
وأكيد اليتامـا يعرفـون المجانيـن=وذي حكمة الوالي على كـل والـي


السيف القاطع
علام الوبيري يخلط الزين بالشيـن=نبـي نرفعـه ومحثلـن للحثالـي
اشوف العرب جاها شعاف وشياطين=عليهم من الرب العزيز الضلالـي


خالد الوبيري الشمري
أبى أحط في قلبـك ثلاثـة سكاكيـن=وتصبح مع الأقصين ضـد الموالـي
تشوف العرب وشلون وأنته بلا عين=وأنا أعرفك يالقاطع ماتسوا ريالـي


السيف القاطع
ليا صار وضعك منحصر بين قوسين=نصيحه تريح قبل قيـل (ن) وقالـي
اخذها هديه وسـط كفـك بوجهيـن=وابعطيك تولت طيب وانه الجدالـي