|
رد: خلوهـــــــــا شيلوهـــــــــا
شكرآ من الاعماق لك من مر وعلق على هذه المحاوره واقول الله يبيض وجيهكم واذا كان فيه نجاح فهو تواجدكم ومتابعتكم لشعر المحاوره 0
وعلى راسهم الشاعر الكبير السيف القاطع الذي زاد على المحاوره جمالآ بكلامه الجميل الله يعطيك العافيه يابو سعود انت وجميع الاخوان والاخوات بدون استثنا كما لايفوتني ان اشكر الشاعر الكبيرشاعر النضم وشاعر المحاوره الاخ عبدالرحمن العقيلي الذي لعبت معه محاوره من افضل محاوراتي وهو شاعر لااقيمه انا اكبر من تقييمي ويكفي هذا البيت الذي لايقوله الاشاعر بحجم عبدالرحمن الا بنيت اقصــــــــور تاتبقى على مر الدهر=تموت عكفان الشــوارب ماتعدا سورها والله ان هذا البيت كفا عن المحاوره كلها الله يعطيك العافيه يعبدالرحمن وشهادتك وسام على صدري ونا فخور بانني لعبت معك محاوره تقبل احترامي لك وتقديري كما انني اشكر الشاعرالكبيرشاعر المناسبات وشاعر المحاوره عبدالرحمن غلاب وقول شرفتنا يابوعيسى والذي منقطع عنا لضرفه الخاصه وان شاءالله نشوفه عن قريب والشكر لشاعرناالكبيرملفي الميزاني لمتابعته للمحاوره وشكر خاص لبو راكان لما يقوم به من جهود جباره الله يعطيه العافيه وهو القلب النابض للمحاوره والف شكر لخوي ابن مصاول والله يعطيكم مليون عافيه |
رد: خلوهـــــــــا شيلوهـــــــــا
شعرائنا المبدعين علي حميدان الدجيما وعبدالرحمن العقيلي
صحة ألسنتكم ومحاورة تجمع بين جزالة المفردات والفتل والنقض كنت أتمنى أنني ضمن الحضور ذلك الليله شعراء شهادتي فيهم مجروحه وهم ليس بحاجة لشهادة شهود ماسطروه في صفحات الشعر يثبت شاعريتهم يعطيكم العافيه وأبدعتم بقوة تقبلوا إعجابي؛؛؛؛؛ |
رد: خلوهـــــــــا شيلوهـــــــــا
الابداع مرورك يابو فارس وشهادتك شهادة استاذ وشاعر كبير وابو فارس من فرسان المحاوره والنضم ويعلم الله انني من العجبين بمحاوراتك
ولك مني الاحترام والتقدير |
رد: خلوهـــــــــا شيلوهـــــــــا
لله درررركم
على هذا الابداع علي حميدان عبدالرحمن العقيلي فتل ونقض على أوصوله تقبلو مروري المتواضع |
رد: خلوهـــــــــا شيلوهـــــــــا
سلمت واشوفك تجاهلت السلام بلاعـذروهاذي ترا ماترضي القلطه ولاجمهورها
شوف المطيه يالعقيلي حملها فوق الظهروانا مسكت اشدادها ونته تلمس كورهـا صح لسانك ابو احسن ماتفوتك الله يطولي عمرك كل محاورتك ممتازة سراحة كل بيت عن محاورة كاملة وياليت اني شاهدتها في بدايتها ولكن كان عندي عزيمة ورجو منك المعذرة ولا والله اني ماطلع من صفك |
رد: خلوهـــــــــا شيلوهـــــــــا
الاخ مجري الهياب
والاخ الشاعرصالحبن شداد الله يعطيكم العافيه على هالمرور الرائع |
رد: خلوهـــــــــا شيلوهـــــــــا
المحاورة بتاريخ 15-16/4/1431هـ علي حميدان سـلام تسليمـة وفـا عنوانهـا غبـة بحـر=تنصا الرجال اللي على الزله وساع اصدورها اربط حزامك يالعقيلـي وخـذ تذكرةالسفـر=فالليله اللي في سماهـا ماتطيـر اطيورهـا عبدالرحمن العقيلي دام البقا بك ياالمرحب عد ماهل المطـر=رديةٍ تضفي على الغياب قبل حظورهـا احزامنا مشدود دون انذار من طول العمر=قدام بعض الناس تتعلم ويبـداء دورهـا علي حميدان سلمت واشوفك تجاهلت السلام بلاعـذر=وهاذي ترا ماترضي القلطه ولاجمهورها شوف المطيه يالعقيلي حملها فوق الظهر=وانا مسكت اشدادها ونته تلمس كورهـا عبدالرحمن العقيلي الجود من وجد المكارم واشهدو يامن حظـر=مال الاوادم لا وفاها المـوت غيـر قبورهـا وان طعتني راجع ضميرك واترك الدرب العسر=ماكل سباحٍ يعـرف يعـوم غـاص بحورهـا علي حميدان انته بنيت ابناية(ن)من طين ماهي من حجـر=وانته تروعك الذياب اللـي تعشـا سورهـا وانكان ماتدري وش اللي صار مع زيد وعمر=بعلومك اللي ماتثمنهـا جرحـت اشعورهـا عبدالرحمن العقيلي الا بنيت قصور تاتبقى على مر الدهـر=تموت عكفان الشوارب ماتعدى سورهـا اقوم مثل المسلمين الفجر واصل الفجـر=وكل الرجال اللي تعاندني مطاوع شورها علي حميدان انكان لك وجهة نظر حنا لنا وجهـة نظـر=دستورنا القـرآن والعالـم لهـا دستورهـا خابرك ماتترك صلات الفجر وعمالك صفر=وانا لاشفت ابطون خلق الله عرفت اظهورها عبدالرحمن العقيلي ارفع يدينك لافقدتك فوق عن لفح الجمر=علتك معروفة ومفهومة وانا دكتورهـا اعرفك رجالٍ تعاف النوم وتحب السهر=تسري على نور الثريا وتستدل بنورها علي حميدان يالكاتب اللي رشحوك الناس ريس مؤتمـر=تحرم علي اللقمه اللي سكـرت حنجورهـا انته بشر لاكن اشوفك مـا تنـازل للبشـر=والشجره الخضراء من القمه نزل عصفورها عبدالرحمن العقيلي يالشاعر اللي وصلك شعرك ليا سطح القمـر=ان عيت المكرة تدور تعرف تمشي سيورهـا ماهوب انـا راع الكبـر لاتتهمنـي بالكبـر=وان شفت كسرٍ في بني عمي جبرت كسورها علي حميدان الضحكه اللي قدم وجه الرجل وتقص الظهر=مارجعت عنك النشاما لاعطتك انحورهـا والكلمه اللي قلتها من تحتها خط(ن)حمـر=اليا متا تضحك على عمي العيون وعورها عبدالرحمن العقيلي يقولها اللي لانوى له يمـةٍ عنهـا قصـر=ناسٍ تحسب الحكي ذا ممكن يدس قصورها ياراعي الخط الحمر اقدم ترا دربك خضـر=قدمك حياض الموت ملزومٍ عليك تزورهـا علي حميدان الله يصبرنا على الدنيا ويلهمك الصبـر=ولا ترا الفتنه من المغرب تفوح اقدورها انا ليا مني قدمت اعميت عميان الفكـر=خليتها تلعن ليال العولمـه وشهورهـا عبدالرحمن العقيلي لاوالله الا ساقك الله لي وضـواك القـدر=قدامك الجنة تشهد كـان تبغـى حورهـا مالك علاج السم راهي فلعروق ومنتشـر=ماعاد يطلع منك لين الارض تجفا بحورها اقتبست لاجعل الملخص في اخر صفحة لسهولة الوصول له من قبل المتابعين الذين يتوافدون على قراءة هذه المحاورة بشكل يومي |
رد: خلوهـــــــــا شيلوهـــــــــا
لله درررركم
على هذا الابداع علي حميدان عبدالرحمن العقيلي ماقصرتو الله يعطيكم العافية |
رد: خلوهـــــــــا شيلوهـــــــــا
يامرحبا بالدجيماء كثر ماهبه المطر والطايرة ماتطير إلابجنحانها
أخذ العقيلي و أقلع من فوق البحر واحذرك لاتصير أنت سواقها |
رد: خلوهـــــــــا شيلوهـــــــــا
تراه بالطايرة معك خمسة عشر
عطها أخوك العقيلي خله يفلها خورشيد جاءب الشهادة وهوبسن الرشد وقات السفينة يالدجيماء وأنت ربانها |
| الساعة الآن 03:24 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
