منتديات الموازين الرسميه - حصري لمنتديات الموازين ..

منتديات الموازين الرسميه (http://www.almouazeen.com/index.php)

- شــــعـــراء منتديات الــمــــوازين (http://www.almouazeen.com/forumdisplay.php?f=17)

- - حصري لمنتديات الموازين .. (http://www.almouazeen.com/showthread.php?t=32154)

رد: حصري لمنتديات الموازين ..

صايم وطيفك يحاول دوم يغويني = والقلب مفطر عسى الله يقبل صيامي

رد: حصري لمنتديات الموازين ..

ما ضيّعك من يديني .. غير هالطيبه
شف طيبة القلب يا خفّاقي وش جابت ؟

ما جابت إلا جروح و ( شبه تغريبه )
وأحلام .. مدري !! ولكن شابت وعابت ..

يسعى لـ بعدي وأنا أسعى لـ تقريبه ،
ثابت على مبدئي .. طول العمر ثابت !

يا قلب هو باعنا .. وما باقي بـ جيبه
إلا دعاوي لعين العاذل ..... وصابت !!

العام : كان بـ يدي .. يومي أماريبه
واليوم : كنّه ( جروح ) وللأسف طابت

ملّيييييت من كثر ما أغني على الغيبه ،
والظاهر إنه عجبها صوتي ... وغابت !

رد: حصري لمنتديات الموازين ..

دور بدالي صرت موضه قديمه = ماعادلي في هالزمن اي داعي
وش عاد لو جربت طعم الهزيمه = مبطي وانا اشوفك سبب في ضياعي
هدمت عرش انسان حطك نديمه = وقفلت باب الصلح قبل المساعي
عطني سبب واحد وخل الشتيمه = يامن تقول انك عن الحب واعي
هذا انت لبست البدنه جريمه = وشككته بصدق الحج والدواعي
انا من الحب حالي سقيمه = وانك سبب في حالتي والتياعي
واذكرني بخير وخل النميمه = اذا سئلو عن غيبتي وانقطااعي

رد: حصري لمنتديات الموازين ..

يآخي تكفى عن حياتي خبني
والله انا من دنيتي ماني تمام

ماجبرتك غصب عنك تحبني
زبدة الموضوع محتاج اهتمام

سوّ فيني ماتبيه . . . وسبني
قالت امي من يسبك له مرام

اشعل بجوفي / غلاك وشبني
خلني احس في طعم الغرام !

وفي معاليق / الحنايا صبني
يمكن بقلبك الآقي / انسجام

بس آمانه . . ما ابيك تكبني
دون وصلك والله هالدنيا ضلام

قبل آنادي / يآخي حن ولبنّي !
بس اخاف يضيع مضمون الكلام

ادري إني قبل ماحكي / تذبني
وادري انك / ماتعرف الاحترام

رغم انك تنتمي لـ آل / وبني !
قوم تعرف / بالمواقيف وحشام

ليه قلبك / يوم [ جيتك هبنّي ]
بس ليه / وكل هذا مو حرام ..

ماجبرتك غصب عنك تحبني !
ياخي جد انسان محتاج اهتمام

رد: حصري لمنتديات الموازين ..

المشكله ماهي قضيه فلسطين ،،، المشكله دمشق راحت وراها

رد: حصري لمنتديات الموازين ..

فكره رائعه اخوي ثامر
يعطيك العافيه

رد: حصري لمنتديات الموازين ..

العيد من غيرك ترى ماهوب بعيد ،،،، لانك بقلبي عيدي الي انتظرته

واجمل مشاريه العتب والتناهيد ،،،، لامن حضنتك وطاح دمعن عشقته

رد: حصري لمنتديات الموازين ..

آتضح ماعاد لي فيه حظ ولا نصيب ..... وصرت اسولف مع ضميري واردد مايلي !

ياخساره طيحه طحتها لجل الحبيب ،،،،،،،، والنهايه لا مسكني ولا سمى علي ..

رد: حصري لمنتديات الموازين ..

فراق ؟ بسم الله الرحمن من ذكره

تكفى دخيلك لا عاد تجيب ذا الطاري

فوقتني يوم قلته من حلا السكره

ضيعتها سكرتي ياسكرة أنظاري

يا أمس عمري ويا يومي ويا بكره

فراقك اصعب علي من يوم مقباري

اشتاق لك وانت قدامي على فكره

يعني تصّور بغيباتك وش أخباري ..!!

ملامح السعد قبل أعرفك منكّره

واستوضحت يوم شفتك يابعد داري

أبواب قلبي على من جاه منسكره

وأعذاري انك هنا .. يامسمن اعذاري

ياعين حرٍ نداوي معتلي وكره

ياجملةٍ ما تعب تكرارها القاري

يزين فيك البحر والقاف والفكره

لولاك ماشفت حيٍ يطرق أشعاري

جاورت روحي .. وقلبي صرت محتكره

والقلب قلبك وخذ راحتك ياجاري

سلمتك رشا الهوى والدلو والبكره

وانا لك البير وأغرف كامل اسراري

وان كانك تسوق لي من الغلا بكره ؟

قد سقت لك من صميم الخافق أبكاري

سويت فيني جميل أعجز على شكره

علمتني ان الليالي متعة الساري

وعلمتني كيف أحب وكيف ما أكره

وان التفائل يلبس حظي العاري

إلا بقا شي ياغالي : على فكره !

ترى حياتي بدونك مالها طآري

رد: حصري لمنتديات الموازين ..

مابغيت احكي ويظهر ماخفى ،،، ولانويت اسكت واموت من القهر !

ماورى طعنه غلاك الا افا ،،، وماورى عين الحزين الا السهر ..