ابطيت عن صاحبي وابطيت عن شوفه = متا تزيل الضروف وفرصتي تاتي
متا على الله حبيبي تسمح ضروفه = وجيه لو حال من دونه مسافاتي
عليه قلبي يبا ينحاش من جوفه = وعليه عيني تهل الدمع سكاتي
غلاه وسط الضماير قلبي يلوفه = لوفة قطيعن يلوفه ذيب حسلاتي
اخذت سيات حبه قبل معروفه = واخذ عسالله يبيحه كل حسناتي
وجرد عليه ارماح الحب وسيوفه = صحيح والله ماهي دايم سلاماتي
اليا طرا اومي براسي واضرب الطوفه= يفزعة الله اثر للحب سكراتي
لجا آخر الليل جا للحب عاصوفه= وقامت تعاقب رسايلنا على الشاتي
برموز ماتنعرف ماهي بمكشوفه = من خوف لايمتحنا كل شماتي
ناسن تطفل وهي ماهي بمكلوفه= ماقدروني ولاذاقو معاناتي
ولو شككوفي محبة ناقش اكفوفه = آقول عندي ثقه وعيوني امراتي
والنفس عن باقي الخلان مصروفه = مدام حب الغلا والود ماماتي
وياليتها في سجل الكرت مضيوفه = ولا اسمها له ثمان اسنين في ذاتي

بيض الله وجهك على هالقصيد الأكثر من رائع

إبداع وتألق وإلى الامام يا أبو حسين

لا وصيك من الجديد ................

وجرد عليه ارمـاح الحـب وسيوفـه=صحيح والله ماهـي دايـم سلاماتـي
اليا طرا اومي براسي واضرب الطوفه=يفزعـة الله اثـر للحـب سكـراتـي