منتديات الموازين الرسميه - :: يـــــــــــــــا شــــــــــيـــــــــنـــــــــــهـــــــــــا ::

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

:: يـــــــــــــــا شــــــــــيـــــــــنـــــــــــهـــــــــــا ::

( ياشينـها )

ياشينها لاشفت غبنك من رفيقـن لـك قريـب = تضيق بك وسع الفجـاج عراضهـا وطوالهـا

وياشينها لاصرت بديار العرب مثـل الغريـب = لو تلفحك لفحـة سمـوم القيـض ماتقوالهـا

تصير مثل الي ينـادي مالقالـه مـن يجيـب = أيـس وقلـة حيلتـه والحـال مـن يبرالهـا

ياهاجسي ما للحبايب في دواء حالـي طبيـب = مغير طب الـي خلقنـي هـو عليـم بحالهـا

وكم واحدن يرجي من الدنيا توفيـه النصيـب = ولاعاد له قدره مـدام الله كتـب لـه جالهـا

وكم واحدن شاف الخطا ثم قال للمخطي مصيب = جاهل ولا يـدري بهـا الدنيـا ولا بأحوالهـا

وكم دمعتن ياصاحبي هليتهـا وقـت المغيـب = وجهتهـا يـم الشمـال وخاطـري يدرالـهـا

وكم ضيقتن عالجتها وهي بصـدري كالهيـب = أبطت وانا صابر عليها علنـي مـا أشتالهـا

انا جزوع من الزمان ان قال هات ولا يجيـب = ولو كان لي حيلـه عليـه بذمتـي لأحتالهـا

ولو كان كلن ياقف لجرحه قبل يصبح عطيـب = ماشالـت العربـان هـم ولحنـت موالـهـا

وش حيلة العاقل إلى من خالفه وقتن عصيـب = يموت وأحلامه تمـوت ولاهـو الـي طالهـا

ماله سوى دعوة إلهٍ في دجى الليـل الكئيـب = لـولاه ماشفـت الخلايـق حققـت أمالـهـا

منقووول