بعد سلامة سمو الامير:محمد بن نايف كتب العديد من الشعراء قصائد لتهنئة
سموه والاسره المالكه بسلامته وهو شعور غير مستغرب من ابناء وطنا تجاه قادتهم
فكنت من ضمن هولاء الشعراء واخترت ان تكون قصيدتي تحت هذا العنوان وبهذه الطريقه

حي الاميـر اللـي يقـود الطوابيـر=نايـف ليـا شـب الفتايـل زنـدهـا
يانايف ان كثـرت علينـا المحاذيـر=عبدالله ابـو المملكـه وانـت اسدهـا
الله يحفظكـم لنـا ذ خــر يامـيـر=ويبقيكـم سنين(ن)طويل(ن)امـدهـا
ننصـاك يامنبـع طـوال الاشابـيـر=لـو دونـك بحور(ن)تلاطـم زبدهـا
تكفـا يانايـف يازبـون المخاسيـر=انت عضيـد الـروح وانـت سندهـا
البنت تاهـت مـن وراهـا المداويـر=وباقـي امـل ربـي وقـادة بلـدهـا
قلته وانا ادري مابدى منـك تقصيـر=هـاذي شهـادة حـق كلـن شهدهـا
فـي ظلكـم عشنـا بمعـزه وتقديـر=باءمـن وحياة(ن)مايعـدد رغـدهـا
وكان ظـل اهـل البـدع والاساطيـر=غرربـهـا شيطانـهـا وافتـردهـا
باعمـال جرم(ن)مالهـا أي تبـريـر=بايدي تطـاول شرهـا مـن حسدهـا
يا الله يامهلـك هـل الفيـل بالطيـر=عليـك باللـي نعمـتـك ماحمـدهـا
ماهـم بكفـو للوجـيـه المسافـيـر=اللـي تناصحهـم بصـادق عهدهـا
حط القنابـل داخـل احشـاه تدبيـر=مابـه خفيـر ولاجهاز(ن)رصـدهـا
في شهر فيـه يكفـر الذنـب تكفيـر=وهـو جايـن بنيـة غـدر معتمدهـا
لكـن حمـاه الله ولــي المقـاديـر=باعمـال بـر(ن) بالخفـا يستنـدهـا
هاذي ثمـار الخيـر يافاعـل الخيـر=يـاالله يارحمـن بــارك و زدهــا
عنـدك صقور(ن)ماقنوهـا الصقاقـر=واهل الوفا شـرواك توفـي وعدهـا
مدربـه و تسخـر الصعـب تسخيـر=و اليا بـدا الـلازم ينومـس هددهـا
وانت الذي يبدا لـه الـراي ويشيـر=وكلمتـك كـل المملـكـه تعتمـدهـا
يصغرلك المجـرم ولوماهـو اصغيـر=من جـل خوفـه يعتـرف ماقصدهـا
اسئل وانا اقول الك وش صار؟ويصير=؟عـن امهـا وقـول راحـت فيـدهـا
وش صار في سود الليـال المدابيـر=هم انتشـر فيهـا وهـم(ن) هجدهـا
اربع سنيـن الهـم فعروقهـا يسيـر=مع هاجس(ن)وسط الضمايـر لهدهـا
الحال حدر مـن عنـا الهـم تحديـر=والكبـد كـن يـدق فيهـا وتـدهـا
نفس(ن)شكت من هول روعه وتفكيـر=تنخـاك ياطـب النفـوس وسعدهـا
تقـول شـي يحيّـر العقـل تحييـر=كيف الفضاء والكون كلـه جحدهـا؟
شالت حمل ماشالـه طويـق والنيـر=الله يعوضـهـا بـصـادق جلـدهـا
تشوف صورتها على منتـدى مطيـر=وتفـز تبغـى تضمـهـا ماتجـدهـا
تبكي ليا ذع ذع هو الغربـي اعصيـر=ولااقبل ظـلام الليـل جاهـا نكدهـا
تبدا تصـور خافـي الغيـب تصويـر=تشكي وهج نـار(ن) تصالـي وقدهـا
تسئـل؟ سـؤال ولاتجـد أي تفسيـر=الله يلـوم الـلـي يـبـي ينتقـدهـا
تقول هـي حيـه؟ لهـا أي تعبيـر؟=والا؟ولاهــا مجرم(ن)مضطهـدهـا
هي عايشه ترزق؟مع النـاس وبخيـر=او ميتـه؟ والـدود يرعـى جسدهـا
هي نايمه؟والامـع اللـي مساهيـر؟=هــي فالدفا؟والا:فبرد(ن)صـردهـا؟
وش عاد لاهبـت ريـاح ومعاصيـر=اليـا تسـاوى بردهـا مـع رعدهـا
هـاذي تـرا بعـض المعنـاة ياميـر=ذكرتهـا والخافـي امــر وادهــا
كانت تنـام بحظـن دافـي وتوقيـر=بعيشة ترف من يومهـا فـي مهدهـا
تصحي على تغريد صـوت العصافيـر=وترفـع بميناهـا نواعـم جعـدهـا
تعيش في بيـت التـرف والتياسيـر=في ظل رجل(ن)ماسئل عـن عددهـا
راع الوفا سلطـان ريـف المساييـر=اللـي لضيفـه حجـتـه ماعقـدهـا
اللي كساهـا مـن الجواهـر قناطيـر=مـع جايـزة مليـون للـي يجـدهـا
مايشكـي؟الا تشتكـيـه المشـاويـر=ياكـم دار وكــم ديار(ن)قصـدهـا
وش عاد خلا مـن قيـاس ومعاييـر؟=حتى الجبـال الصـم اظنـه نشدهـا
لو قيل له فوق السمـا فـوق ليطيـر=ولايرجـع الا كـود يــده بيـدهـا
اخشى على سلطـان كثـر التفاكيـر=اربـع سنيـن وليلـتـه مارقـدهـا
غاير على بنتـه وانـا مثلـه اغيـر=البنت(بـنـت مطير)وانـا ولـدهـا
كل القلوب اللي بهـا رحمـه اتغيـر=ولابـه قلوب(ن)همـهـا مـاوردهـا
يمكن بعـد بكـره نسـوق التباشيـر=وتشفى العيون الساهره مـن رمدهـا
وان كان غابت شمسها ماانتهى السير=مـا تكفي(النايف)نصايـب لحـدهـا
ليقـول لـك قـدام مافيـه تغيـيـر=خلف الوجيه الضالـه عـن رشدهـا
ويجرهم جر السوانـي علـى البيـر=ولا تنتهي وان كـان سجـل سندهـا
تحـرره كـل المـجـلات تحـريـر=وكـل الجرايـد تكتبـه فـي عددهـا
ولااحكم عليهم محكمـات المساميـر؟=لاعاد تسئـل ويـش يحصـل بعدهـا

صح لسانك شاعرنا عبدالرحمن ومبادره رائعه منك لطفله ابتهال وعدم نسيانها

اللهم ياذا الجلال والاكرام اللهم ياأكرم الاكرمين
ويا مجيب المظطرين ويا علام الغيوب
يافارج الكروب يا محصي الانفاس
ويا مدبر الناس أسألك بإسمك الاعظم الذي
اذا دعيت به اجبت
واذا سئلت به اعطيت
اسالك بمنك وكرمك
وعطفك ولطفك
ياذا العزة والجبروت
ان تعيد الطفلة
المسكينة الضعيفة
التي لاحول لها ولا قوه
الى اهلها سالمة معافاة
اللهم يامن لايعجزه
لاكبير ولاصغير
ولايعجزه شيء في
السماوات ولا في الارض
ان تحقن دموعهم برجوعهااليهم
اللهم آمن روع امها بلقياها
واسعد ابيها باحتضانها
اللهم ياذا العزة نشتكي
اليك ممن فجعهم بها
اللهم إفجعه كما فجعهم
واحرقه كما احرق قلوبهم
واشقه دنياء وآخره
اللهم خصه بعذاب من عندك في الدنيا ويوم القيامه
اللهم اهلكه كما هلك فرعون واخسف به كما خسفت بقارون
واجمعه بعاد وثمود وارمه بحجارة كحجارة قوم لوط
واعمه كما اعميت اروى بنت اويس
اللهم اجب دعائنا واحفظنا من كل سوء ومكروه