منتديات الموازين الرسميه - المراجل مالها غير الرجال

منتديات الموازين الرسميه (http://www.almouazeen.com/index.php)

- شــــعـــراء منتديات الــمــــوازين (http://www.almouazeen.com/forumdisplay.php?f=17)

- - المراجل مالها غير الرجال (http://www.almouazeen.com/showthread.php?t=21120)

المراجل مالها غير الرجال

هذه القصيدة المتواضعه قلتها صباح هذا اليوم على عجاله وهي من محاولاتي وأرجو ان لا تكون دون المستوى

وا وجودي كل ما هب الشمال=وجد من هو لا قريب ولا أهل
في وسط غربه ولا معه الريال=ويشحذ الأجناب ولباسه طمل
واتعبه كثر التطلب والسؤال=والنتيجه ما لقى حتى الهلل
قلتها واقولها وأضرب مثال=قبل لبدا جاك كل اللي حصل
المراجل مالها غير الرجال =وكل حمل عسر يبغاله جمل
ولو ولد الاش يخدمه المجال=ما أستمر الحال حتى لو كمل
أتحيزم بأبن عم وببن خال=واترك اللي كل ما طاهم زلل
وازهم الطيب وناديله تعال=يوم ولد الاش ما شاف العمل
قلتها من شئ فوق الإحتمال =كل ليله يضوي بصدري همل
أتصبر وانده المقفي تعال=وأثر بعض الطيب فالخايب عَلَل
والله اني حالفٍ يا ابن الحلال=ما تبع الرديان لو جوني سهل
أتجمل واطلب الله الكمال=وآخره صلوا علي سِيد الرسل

ابن مصاول