يابنت أنا لولأ المخافه من الله = والله لا سويبك سوات(ن) فضيعه

ماني بخل اللي نقض عهد خله = بالرخص في سوق الاشاعه يبيعه

صدق كلام الناس من غير أدله = وحقق رجاهم بيننا بالقطيعه

جاهل وعقله اللهدي مايدله = مخالف(ن)سلم العرب والشريعه

أنا ولد سلطان والعمر كله = معدود والايام تمضي سريعه

ولا عاش من يرضي حياة المذله = ولا دام عز أهل القلوب الوديعه

من لا وقي راسي عن الشمس ظله = اليا عصاني لا حشي ماأطيعه

راس(ن) بناله في سناء المجد فله = يموت ما نرضي عليه الهزيعه