أقبل يحرك مشية الرجل برفوق=القاع لمصافح خطاه يتشوق
مخلوق لكنه ماهو بأي مخلوق=على بنات آدم وحواء تفوق
عليه لبس(ن)يجمع الوسع والضوق=موسع(ن)بعضه وبعضه مضوق
مر وتعدى ما بدا منه منطوق=الا إنه بجيش المفاتن مطوق
وخلاني أمشي وأقضب الدرب وأتوق=ماني بتايق عقل لكن متوق
تقول مرمياً على الأرض من فوق=والا من السم الصقطري مذوق
يغفى علي شوي وشوي(ن)أفوق=وأقول لأستيقظت والبال روق
لاصار لا معوق ولا صايبه عوق=وراه يمشي مثل مشي المعوق
اللي على حاله خطر من هل السوق=مفروض يمنع ما يروح يتسوق

لا والله الا شاقني للهوى شوق=وفي خاطري زاد الغلا والتشوق
يسير سير الدم في كل معلوق=ويتل قلبي من جميع العلوق
أسباب طاروق(ن)ماهو بأي طاروق=منه الخفوق وخامد الحب فوق
يصوغه اللي فيه ماهو بمطفوق=لافي حمود اللي بجيله تفوق
يوم(ن)فالشعار راهي ومزنوق=وشعر(ن)يلوق وشعر لو ينتلوق
صدره لجزلات الطواريق صندوق= ومجنب(ن)طرقه هزيل الطروق
وذكرني اللي بالغلا ساقني سوق=وحمل عليه فوق مالا أتطوق
معشوق لكنه ماهو بأي معشوق=ماشفت غيره فالبشر ما يشوق
لقبل يقدم ساق عن ساق مفهوق=ثوبه على حد الوروك يتضوق
ماغير صدر وردف والوسط مخنوق=يشدي لعود الخيزران يتموق
وخلا مديل الثوب من خلف مفتوق=ومنه الضماير صار فيها فتوق
وقلت أنت كلك ذوق ياعالي الذوق=ولفة علي وقال لي لاتهوق

المشاركة الأصلية كتبت بواسطة شويهينه الهيلا (المشاركة 235485) صحة السنتكم لافي الغيداني شاعر عملاق وجزاله كبييييييرة وحضور شعري فاخر اما انت يالذيب فقلبك خضر ههه وشاعرية رااائعه وشاعر جزل لاعدمنااااااااااااك

أما أنا قلبي خضر على قولتك وإذا تعديت الخط الأحمر في الغزليات فليس علي عتب إنما العتب على إستاذنا أبو ضيف الله الذي فتح لنا المجال في ذلك ههههههههههههههههههههه مرور مشرف وتقبلي تحياتـــــــــــــــــي؛؛؛؛؛؛؛؛؛؛؛؛؛