|
( وصيـــــــــة الدانه )....
مرحبـــــــــــا ..مســـــــاكم ورد يالغالي (وصية الدانه) "
إن ماشربت الطيب من مديمناك=تشرب على طول الليالي هماجه "وأن مامشيت العزفي وسط أحباك=تمشي مع العدوان كنك دجاجه "وأنما غديت البدرفي جوف ضلماك=فإن كان يامالون خلك سراجه "خلك على الدنيا ضحوك محياك=خله يقال فلان سمح حجاجه "وأترك ملا يعنيك لامن تعداك=ماينحني صعب"ن"تعدل عواجه "وأفزع لمنهو حده الضيم ينخاك=وأبذله المجهود في كل حاجه "وحذراك من مشي الرديين حذراك=ترا الردى دربن طــــوااال فجاجه "خل المراجل تخضع الطيب لرضاك=لامن قصرت الرجل عن كل داجه "مشيك مع الطيب يعزك ويرفاك=ومشيك مع السامج يزيدك سماجه "أطلب اله"ن" لاترجيته أرضاك=يفرج لبـــاااالك لاتعكر مزاجه "وأحذرك من زودالغضب لاتغشاك=عوذ من الشيطان وأطردأزعاجه "والله ماينفعك ذولااااا و ذولاك=الذيب يعرف مدخله من خراجه "نصبرعلى الدنيا ودورات الأفلاك=ولانهين نفوسنـــا لأي حاجه "وان كان ماعشاك ياذيب مسراك=تراك خاويت الثعـــل والنعــاجه "هذي وصاتي لك أليا قلت حذراك=حذراك من درب كثير عجـــــاجه وسلامتكم دانة القصيد |
رد: ( وصيـــــــــة الدانه )....
صح لسانك اختي دانة القصيد وجزل
|
رد: ( وصيـــــــــة الدانه )....
قصيده رائعه وحضور جميل من أول أطلاله
صح لسااانك واعتلى شانك على هالنصائح الرائعه والمفيده وعندي ملاحظه ربما يكون خطأ املائي "وأحذرك من زودالغضـب لاتغشـاك هذا الشطر طويل,,,واعتقد ان(من) زائده ولو قلتي وأحذرك زود الغضب لاتغشاك اعتقد ان الوزن هنا يتناسب مع لحن القصيده واتمنى انك تتقبلين ماذكرت بسعه صدر,, واحترامي وتقديري ياضيفتنا العزيزه |
رد: ( وصيـــــــــة الدانه )....
صح لساانكـ شااعره متميزه أختي دانه تقبلي مروري وودي |
رد: ( وصيـــــــــة الدانه )....
روووعة ياالدانه
وشهادتي فيك سابقة الاوان تحياتي |
رد: ( وصيـــــــــة الدانه )....
اقتباس:
ابو راكان اعتقد اذا كانت (من) زائده على كلامك فالبيت انكسر !! على العموم قصيده رائعه وبدايه جميله لشاعرتنا دانة القصيد صح لسانك وعتلا شانك شاعرتنا وبنتظار روائعك الجميله |
رد: ( وصيـــــــــة الدانه )....
رائعة يادانة وقصيد كله معنى وجزل وفالك منتدى الموازين
الى الأمــــــــــــــــــام!!! |
رد: ( وصيـــــــــة الدانه )....
ابو راكان اعتقد اذا كانت (من) زائده على كلامك فالبيت انكسر !!
اخوي ابن مشدد انا شلت القصيده على لحن يناسبها ووجدت الشطر طويل المتعارف عليه(أحذّرك)بتشديد الذال واذا كانت شاعرتنا تقصد(أحذرك)بدون تشديد الذال يصبح نطق الكلمه غريب نوعا ما ماأبي أطولها القصيده اعجبتني لدرجه اني اقراها وانا أشيلها وأتمنى من شاعرتنا ان توضح لي هل أخطأت أم أصبت والمسأله لاتتجاوز وجهة نظر ولست بمعصوم من الخطأ أنا ولا غيري |
رد: ( وصيـــــــــة الدانه )....
صح لسان شاعرتنا دانة القصيد .قصيدة جميلة جدآ
|
رد: ( وصيـــــــــة الدانه )....
صح لسانك يادانة القصيد قصيده جزله وننتظر ابداعاتك بفارغ الصبر
|
| الساعة الآن 05:29 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
