قبل القصيدة فيه بيت عزيز على قلبي اود ان اذكره لشاعر محمد بن سرور

انكان من حب ربعه حل تكفيره=انشهد اني كفرت وحل تكفيري

واليكم قصيدتي المهداه الى جميع قبائل امطير
انشالله انها تنال على اعجاب الجميع

ان كان قصدة امطير ونيته شينه=يمسك احدوده وهو ماهو بغا وينا
عسى عدو القبيلة تنعمي عينه=لا صار ماله احقوق ولا يدانينا
امطير من سبها تقصر به اسنينه=ويشيب من قول طايلةَ يمانينا
قبيلةَ ثابته وفعولنا زينه=يشد لنا المجد قاصينا اودانينا
العز منزالنا والطيب راعينه=ومن الصخا واضحاَ كثرة معادينا
يوم الغزاوي قبل والموت شارينه=خذنا من القوم مايكفي بيادينا
تشهد لنا اسليم والسبعان وجهينه=وعتيبه وحرب في وقفات ماضينا
حنا هل المعجزه والسيره الزينه=المعجزات الثلاث الي من اسنينا
الاوله فيصل بفعله مسمينه=ويعد فيصل من الفرسان تسعينا
تشهد بني شمر بطبعه من يدينه=على ارقبت الفرس دماً ماهو طينا
والثانيه واحد فالارض والينه=بسيوفنا لين رد احقوق ناخينا
والثالثه فعل لا منتم بغاوينه=اسقاط طيارةَ يوم اطمعـت فينـا
وفعلاً على خد مشذوبه وقارينه=وبن شرار واتراحيب المسمينا
يوم المعادي نقض فالعهد من حينه=خطط جهز للمعادي فالسنافينا
قول ابن شرار في غزوة معادينه=يبا الركايب وعبدلـه معيينا
امن النقا قال ماحنا بناوينه=والشين والله مالنا نيةً شينا
ياليت متعب تشوفها على عنيه=من فوق قبَ عليها كالشياهينا
وفعل العواض موضحةً سلاطينه=وكم فعل غيره وغيره من غزاوينا
وفعل النذاله فعل ما انتم بناسينه=يوم انكب هج من فكرة سياسينا
الحرب صلنا وجلنا في ميادينه=تشهد لنا الارض والتاريخ يكفينا
اخوان جوزاء مقام امطير حامينه=بسيوف وخيول ورماح وسلاطينا

اخوكم
الشاعر مـحـمـد بن مـاجـد الـمـيـزانـي

ولكم تحياتي جميعاً وكل الاحترام والتقدير