منتديات الموازين الرسميه - لايطلق الزهبه على غير معيار

ياحي مـن سجـل بيوتـا مقفـاه =ماهو على نظم الجزيـلات محتـار
قافه علـى ماطـاب جابـه وعـداه =فالوجه جاب العلـم ماهـو بغـدار
ماطاب إله بالروح سجـل و سـواه =امعـن وحكّـم للمواريـد واشـار
نعى الشعر واليـوم ننعـاه وايـاه =اصبح تجـارة كـل جاهـل وهـذار
رشيـد قالـه قبلنـا ثـم عــزاه =ماعاد لـه هيبـه وتقديـر ووقـار
كم عاقل(ن) فعـل المجانيـن بكـاه =وكم جاهلا يرقص على عزفه اوتار
وكم من ردي في ذاك جاله وزكـاه =وكم من غشيم يقول بالله وش صار
والعلـم للفاهـم نجيبـه وزدنــاه =مادام شنكرنا مـع القـوم شنكـار
ياكاتـب اشعـاره علـى ماتـوراه =ترى ظـلام الليـل تجـلاه الانـوار
من شال اله بندق وصيـده تقفـاه =لايطلق الزهبه علـى غيـر معيـار
واللي بفعـل إيديْـه للـدار ضـواه =نعطيـك للصيـده تماليـح وابهـار
اما نسويهـا علـى ضهـر مقـلاه =والا طبخناها علـى لاضـي النـار
وان كان كثرك ياشقـى مارغبنـاه =لحيـث مافينـا ردي (ن) ومـكـار
لكن محلى الصبر وخصوص فتـلاه =يجـي لهبـات السواليـف مقطـار
ياليت راع الصيـد بالضلـع شـواه =كان استراحوا من شقاهم هل الـدار
راع القصر ماكل مخلـوق يشنـاه =والعسكر اللي من ورى السور شطار
إن شافوا اليـد بالمكـارم محنـاه =يعطونها عن زلـة الرجـل الانـذار
هذي روايـه فـي الشعرلونثرنـاه =والوقـت الاقشـر بالمخاليـق دوار
درب الرشد مافيـه تاهـه ومغـواه =والدرب الاخر فيه من كل الاخطـار
قال المثل من ساير النـاس تفـداه =بالروح والا الدم بمسلـب(ن) حـار
واللي يبـي للعلـم مبـدا ومنهـاه =كلا يقف ضـده سريـرات وجهـار
الصدق طاح وكـذب الامـه تعـلاه =حتى الدول من قولة الصدق تنهـار
المدح في بعض المواقيـف محـلاه =والذم مايرخي هل الجـود والكـار
قاله قبلنـا نـاس واليـوم قلنـاه =ترى الكلام الزيـن للطيّـب إشعـار
واللي عرف له علم قبلـه عرفنـاه =واللي ندر في سوق الارباح يختـار
اليـا لقـي شـيء بنفسـه تمنـاه =يشريه لـو غالـي وزادن الاسعـار
ولعل من يشـري الرديـه عدمنـاه =للـي يبيهـا للمواجيـع تـذكـار
والبحر مالح من سبح فـي غويـاه =البحر فيه اصنـاف لولـو ومحـار
ماينزلـه مـن لا تعاقـد نـوايـاه =على اقتحام الموج في شدة عصـار
جزره ومـده كـل صنديـد يقـراه =وماكل من جا عند شاطيـه بحـار
شاعر يقوله فـاول العلـم ومقفـاه =ماهو على نظم الجزيـلات محتـار
وصلوا على محمد اذا حـل طريـاه =عداد ما فالكون من طلـع الاثمـار

مما راق لي