ما لي على ذيك الليالي حسوفه=ولا فادني كثر الندم لو تحسفت
يا قلب شوف اللي عيوني تشوفه=وأذكر دموع العين لجله ليا شفت
ما مات لو مات الشعر مع صفوفه=ولا هو نصيبي لو بحبه تشرفت
موت الأماني يا أهلي في حروفه=لامات حرفه وش نفع لا تأسفت
وللفخر والشيمه قلم في كفوفه=واطوف أنا ذكراه ويمر لا طفت
شاعر وكل حروف شعري ضيوفه=ولأني قريبه من دياره ولا عفت
حب الشرف يا مطير دربه كلوفه=ولكن عليه أصبر ولوي تكلفت
ويا لوف قلبي من همومن تلوفه=لوف الهبايب للشجر تعفته عفت
وعج ومطر والرعد يضرب ادفوفه=تسقط جميع أوراقها ليه مارفت
وقتي على قلبي تسابق سيوفه =من جور حبه نحل عودي ونحفت

المشاركة الأصلية كتبت بواسطة عبدالرحمن العقيلي (المشاركة 257943) ماشاءالله عليك سهام شاعرة بما تعنيه الكلمه من معنى-ونص عالي المستوى يجد به القارئو المتلقى متعة القراءه-اهنئك واشكرك عليه ولك فائق الاحترام تحياتي

المشاركة الأصلية كتبت بواسطة أبو راكان (المشاركة 257944) صح لسان شاعرتنا سهام.واشكرك على هذا النص الشامخ.وتقبلي اعجابي بالقصيدة

المشاركة الأصلية كتبت بواسطة سهام م (المشاركة 257775) ويا لوف قلبي من همومن تلوفه=لوف الهبايب للشجر تعفته عفت وعج ومطر والرعد يضرب ادفوفه=تسقط جميع أوراقها ليه مارفت وقتي على قلبي تسابق سيوفه =من جور حبه نحل عودي ونحفت

نص فاخر من شاعره متميزه ..

صح السانك اختي شاعرتنا سهام وعتلى شانك ..

المشاركة الأصلية كتبت بواسطة الطويل (المشاركة 257965) نص فاخر من شاعره متميزه .. صح السانك اختي شاعرتنا سهام وعتلى شانك ..