جت لك حروفي يالغناوي سفيرة=مضمون حرفي والشعر يوصلك حار
ما همني لو كنت شيخ العشيرة=والا سفير القوم من عبر الأقمار
محسوبة غلطتك لو هي صغيرة=واجهل بغلطاتي ولو كانت كبار
لك عن بنات البدو جيتك نذيرة=أخبرك غلطتك في عذب الاشعار
يا كم عثرنا شيخ قايد مسيرة=وياكم فارس طاح من قب الامهار
حنا بنات أهل السيوف الشطيرة=اللي لهم في صفحة المجد تذكار
في صغرها تلعب لعينه غريرة=ولا كبرت تصبح له مثل ابنه البار
ما شافهن راع العلوم القصيرة=وما خاون السواق في كل مشوار
ترى العسل يا هوه ماهو بشيرة=وترى الطبيعه تجذب عيون الاحرار
نشرب حليب الأبل خيراً وخيرة=وما جابه الهندي من انتاج الابقار
يشهد لنا بالستر في كل ديرة=وما بان صافي زيننا لكل الانظار
مثل النحل للزهر وحنا عبيرة=ومثل القمر ولكن نفوقه بالانوار
اشين صبيه في صباها خطيرة=تذبح عقيد القوم وتحر الأشرار
والزين فينا ولا لقينا خشيرة=لا شافنا القاضي بالحكام يحتار
وعقب القضاه يصير هو النحيرة=ويدور الفزعه ويطلب هل الشار
عساك يا ذاك الغناوي بحيرة=تحتار فيها ونستمع عنك الاخبار
ويقال حب الزين وباح السريرة=وما عاد شافه لا صديقه ولا الجار
والا انا يا القرم ما اقصد ضريرة=حبيت اوضح لك حشا ما أنت غدار
وانا أشهد انك من وجيه منيرة=ولك في معاليقي معزة ومقدار

سهام مبدعة بكلمات الرائعة
والتي تتشرف بهأ كل بدويه
وفخرأ لك من يفتخر
به بيته