أحياناً أزعل وانا ماني بطبعي زعول = واحياناً أضحك وتاقف ضحكتي في فمي
تعبت اقارن مابين المشكله والحلول = لين الورق مل من خطي وجف اقلمي
مابين قلبن خضر يعشق وطرفً خجول = وحبً جرى في عروقي مثل مجرى دمي
حبً جرى في عروق الجسم عرضاً وطول = حتي تروٌت به اعروقي ونبت الحمي
وغروٍ ليا شفت زوله يعتريني ذهول = ماعاد لا ارجع ولا اقدم يحير اقدمي
أحس به متكي بين الضلوع النحول = وأحس يطلع مع الانفاس مثل انسمي
بغيت اوصف حلاها قلت انا ويش اقول = ماهو حسن لا حلى لا شي ماله سمي
فيها من الزين شي تحير منه العقول = جمالها للجمال اليوسفي ينتمي
من كثر ما احبها ما اطيع فيها العذول = وهي ولاهمها لعلها تسلمي
مرت بجنبي وقالت لي بصوت امعسول = وش فيك واقف كذا محتار ؟ قلت افهمي
قالت فصول السنه كم ؟ قلت عشره فصول = لايمكن اثنين قالت كم يا ادمي ؟
قلت اتذكر وقولك قالت انت امهبول ؟ = قلت آه كبدي روت لهفه وقلبي ضمي
قالت تتريق تحسب اني ما عرف الميول ؟ = أحسن لك انك تكلم قبل لاتندمي
قلت ايه احبك .. واحبك حب على أصول = وغيرك اشوف اجمل الخفرات عور وعمي
انا تراني عن العالم تقول امعزول = بس انظري لي بنظره ثانيه وارحمي
قالت وش اعجبك فيني ؟ قلت انا ويش اقول = وسالت دموعي ووقفت كلمتي في فمي
وعجزت اقارن مابين المشكله والحلول = حتى الورق مل من خطي وجف اقلمي