منتديات الموازين الرسميه - قصيدة الشاعر الراحل خليف مريع الهجله

منتديات الموازين الرسميه (http://www.almouazeen.com/index.php)

- منتدى شعراء قبيلة مطير (http://www.almouazeen.com/forumdisplay.php?f=109)

- - قصيدة الشاعر الراحل خليف مريع الهجله (http://www.almouazeen.com/showthread.php?t=26748)

قصيدة الشاعر الراحل خليف مريع الهجله

مايضيق البال والجيب عندي فالوجود=اشهدن مصنًع الجيب عالي مستواه
جيب لاندكروز ياطا الصحاري والنفود=مع فيافي نجد يوحف كما اوحاف القطاه
عند سواقٍ يسرية والعالم رقود=انتبه لمبير زيته وبنزيمة وماه
ودني يالجيب وأمنك من زيت ووقود=يم أهل بيت الشعر مالنا عنهم غناه
إن قطعت إثليج وجهه لحد إبن سعود=الصفيري فيسرة والحفر على قفاه
امش لين تشوف لك خيمة وبيتين سود=وانتبه للبيت الاقصى وديور من وراه
بيت من بدت ابيوت الشعرحلوً بزود=حلو بزيادة وترف القدم زود حلاه
ما يزين البيت من دون سمحات الخدود=وزين مبنا البيت من زين شغل اللي بناه
ياهل ذاك البيت عنكم عمت عين الحسود=اكرمونا من كرمكم عساكم للغناه
وسمحوا لي بريش العين مركوزالنهود=ودي اقضي ما بقى لي على الدنيا معاه
أبا أجيب الشيخ يملك وأبا أجيب الشهود=لا يرد اللي عنا يمكم خايب رجاه
اطلبوا مقدار ماتطلبونه من نقود=مستعد اشرية لو كان غالي مشتراه
رد قلبي في غرامه وبيحت السدود=رد قلبي عقب ما كنت داله في عناه
ان بغيت اصد الإن ما عنها صدود=وان بغيت الهرج ينشب لساني في جماه
تل قلبي تل غربٍ تجاذبه الورود=يوم تل السايفه وانقطع عقدة رشاه
وتل قلبي تل جمس(ن) ضرب عرق النفود=يوم تله سائقه ما حسب كم إشتراه
مشتريه بنقد ما سجل القيمه اقصود=ماتعادل قيمته رد مع دربٍ عطاه
ضرب خفر السواحل على خط الحدود=ثم تله لين عقب مواترهم وراه
فوق سبع اجموس ولافيه نقص ولاش زود=كل جمسٍ في مديله وحلياهن احلاه
كل جمسٍ فيه سائق معه سبعة اجنود=كل طقم الجمس مامنهم اللي ما رماه
لكن انه كل ما زاد بنزينه يزود=يخلف الرماي والرمي ما يلحق علاه
قام ينزح قدم طارته صنع اليهود=صنعة اللي ما يعرف الصيام من الصلاه