منتديات الموازين الرسميه - * *اليـا تواضعنـا بلشنـا بالاقـزام* *

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - * *اليـا تواضعنـا بلشنـا بالاقـزام* * (http://www.almouazeen.com/showthread.php?t=28758)

* *اليـا تواضعنـا بلشنـا بالاقـزام* *

اليـا تواضعنـا بلشنـا بالاقـزام=واليـا تكبرنـا مــلام ٍ عليـنـا
لكن تعلمنا مـن صـدوف الايـام=من عقب جربنـا ورحنـا وجينـا
اللاش مثل الصفر بحساب الارقـام=حطـه يسـارك لاتحطـه يمينـا
واليا بلشنـا فالحقايـق والاوهـام=بعنا الرخيصه واشترينـا الثمينـا
للصاحب الوافى نجي درع وحـزام=وقت الرخـا والا بشهـب السنينـا
والرجل لاماصـار عـزام جـزام=اكيد فـى قاسـي المواقـف يلينـا
وسوق المصالح والتمصلح والاعلام=لـو تشقـى العالـم لهـا ماشقينـا
والله لـو ان اليمـن ينقلـب شـام=والرمـث يقلـب كنـه الياسمينـا
وتصير كل الناس عدوان واخصام=ماجاينـا الا مـانـوى الله فيـنـا
هذا وتمت والرضا سيـد الاحكـام=من عقب جربنـا ورحنـا وجينـا
و يالله تعز الدين وتعـز الاسـلام=وتعـز دارى قبـلـة المسلميـنـا

الشاعر/محمد السليس العتيبي