غزه .. ودبابـه وقصف الصواريـخ =وصرخة ألم اطفال جرح الاصابه
بصمة دماء .. على جبين التواريـخ =جرم اليهود .. وصمت عالم تشابـه
تاريخ حكّام العرب ريس وشيـخ =ذل ٍ على سود الصحايف كتابه
العار كاسيهـم وغيـره مصاليـخ =ياطيب .. من يطلب سـلام بخطابـه
الروس محنيّه بوصـف المناويـخ =لعداء ديـن الحـق بعتـاب بابـه
ملحد ونصراني يهودي كف سيـخ =لهـم مطيعيـن بجهـود ورتابـه
وشعوب مكبوته حرار ٍ مطانيخ =ومسلم ينـادي للجهـاد وحدابـه
وضع ٍ .. يحرك لابسات المفاتيخ =همّن على لبس الشمـاغ وثيابـه
ياعرب .. مايحتـاج للعلـم ترسيـخ =وش عاد باقي .. عزنـا.. وش بقابـه !
الله على نفضت بيـارق مجاويـخ =وقتل اليهود وشب نار الحرابـه!

المشاركة الأصلية كتبت بواسطة أبن مصاول (المشاركة 316265) الشاعر المبدع دائماً وأبداً أحمد العوفي ...تغيب ,...تغيب ثم تأتي بجزل القصيد وانا احترم الشاعر عندما يكون هو عاكساً لنبض الشارع ومترجماً لمشاعر الشعب على شكل قصيدة. صح لسانك واعتلى شانك يا غالي ولا تقاطعنا