انا مطيري وافتخر يوم تنشد =لني مطيري والمطيري مطيري
ليه اتعجب يوم اكرر واعدد =لاتحسبن القاف حكم مصيري
اصيغ ماصاغو هل الشعر وارد =واغوص غب البحر لوهو غزيري
واجني درر والماس وافعال تسعد =واترك هزال الشعر لافراد غيري
صحيح انا ماقلت لك ليه اردد =اصلي مطيري بالثلاثه واشيري
المعجزات اللي لنا دوم مشهد =لاقيل وين الفعل يوم المغيري
امطير حمران النواظر ومسند =مزبن دخيل اليا حداهـ العسيري
كم شيخ قومن طاح باليوم الاجلد =خلوه حمران النواظر كسيري
تاريخنا يامطير لو قلت ابسرد =جفت حناجر ماذكرت وش يصيري
ولا اذم في كل القبايل ولا اجحد =كلن له فعوله وكلن يجيري
واليوم في حكمن عساه يتجدد =يومن بعد يومن على كل خيري
حكامنا آل سعود نعم التوحد =وحنا لهم بالحرب سيفن شطيري
وختامها صلوا على الهادي احمد =اللي بعث لاجل الهدايه تسيري