يامشتهي فرقا المواليف حذرى=تقطع حبال الوصل بين الاحبه
مالك مع اهل الحب فالليل مسرى=خل الهوى للي مايقدر يكبه
ودك تحب وقلبك الخالي ازرى=وقدم العرب تجفا الغرام وتسبه
الحب ليل ونبض الاحباب قمرى=تنور دروب اللي مشى فالمحبه
مثل البحر راعيه فالبحر ادرى=ماكل سباحٍ بيقدر يطبه
الحب ماهو وسط الاسواق يشرى=الحب عند اللي بقلبه يصبه
والا انت مالك فاطهر الحب مجرى=مثلك مثل من كان قبلك لعبه
قلبك حجر وقلوب الاحباب خضرى=ضوء الغلا فالقلب تعجز تشبه
ان كنت تقرى فالتواريخ اقرى=قيس الملوح مات باسباب حبه

الحـب ليـل ونبـض الاحبـاب قـمـر

تنـور دروب الـلـي مـشـى فالمحـبـه

صح لسانك اخوي احمد