البارحه مانمت ياداعج العين = والقلب كنه منصلي فوق صاجه
تسريبي الافكار من وين لا وين = سوت بعقلي يشهد الله لجاجه
ليت المسافه بيننا قاب قوسين = ماهي بعيد ولليال اندراجه
ياليتها مابيننا بس مترين = (تمشي متر وامشي متر وانتواجه)
القُرب زين وفيه لاشك ثنتين = مدة نظر عَجله وزود ابتهاجه
والبعد مهما كان مايقضي الدَين = والعاشق يقرر بنفسه خراجه
والا الهواء معناه ياكامل الزين = اشرب قراح الجم واترك هماجه
الحب راحت بال مابين قلبين = لاصار صافي ماتعكر مزاجه
وان صار فيه خلاف مابين الاثنين = كسره مايجبر مثل كسر الزجاجه