ورًدني الشوق حوضٍٍ طعم نبعه هماج=من جئت أبشرب هماج الماء نشب بنحري
هاذي مقادير مافي شربكتها انفراج=وأنا بطوعي مشيت لها نشيط وجري
ربًقني صويحبٍ لي وسط غبًه وماج= وأنا أحسبنًه ليا طبيت لزم ظهري
يوم إصطفق جوًي الهائج وثار العجاج=وإنسدت النفس قلتلها شوي اصبري
لا بد أعدل مساري بعد بان اعوجاج=كوني عليًه صبوره ما انحنيت ابشري
ما بين قبضت يمين وبين رفعت حجاج=يحق للساني إيسلطن على منبري
ماكل ضاحك صديق يعدً حصن وسياج=ولا كلً خطٍ معلًق للعرب ينقري
كيد الرياجيل ما يمهل مزاد وحراج=وان قاربت قيمة المعروض من يشتري
والكيًه الي على العلبا نجيضه علاج=اليا احتمى الميسم من النار وش نحتري
لكن يالعزم رفقا بالنفوس الزجاج=الزود ما أحبه يقولون يــا عنصري

الله قمة الإبداع ..وتستاهل وسام الإبداع على هذا النص ونصوصك الفاخرة الماضيه

صح لسانك ملايين ياحمود
قصيده لا يكتبها الا شاعر بحجم حمود العتيبي
فلله درك وتستاهل الوسام عن جداره
ونطمع بالمزيد
.