ألا يا بحر يا بحر الخليج اللي على شاطيك=غلاه أغلا من أمواجك.. ولولوك.. ومرجانك
وأنا يا بحر يوم أفز إلى من مر لي طاريك=على شان الغلا اللي في طرفك ماهو على شانك
تحياتي.. وشوقي يافياض العشق ذيك وذيك=أسج الرجل يمك وألتفت في بيت جيرانك
رعاك الله يا بيت مني بغيت أجيك=توقفني تقاليد القبايل دون بيبانك
يا ليتك ليل أسود كان أسجك بالقدم واسريك=لكنك بيت طين وحاجتي من بين جدرانك
حفظت الجوهر الغالي ومن سبة غلاه اغليك=وألا ياكثر حبي لك.. وألا ياصعب نسيانك
عزاي ليا ذكرتك حاضرك ماهو بمثل ماضيك=ذكر الفيضه اللي تجمع الأحباب بوزانك
تعنيني لك الذكرى وأجي من ديرتي ناصيك=وبعطر قصيدي من شذا وردك.. وريحانك

المشاركة الأصلية كتبت بواسطة ملكة القوافي (المشاركة 402783) صح لسان سلطان الهاجري وحي صوت المبدع بدر الحربي ومشكور على النقل المميز أخوي ابن مصاول الميزاني

المشاركة الأصلية كتبت بواسطة مواعيـ سراب ـدك (المشاركة 403261) صح لسان الشاعر ويعطيك الف عافيه ابن مصاول على منقولك المميز

المشاركة الأصلية كتبت بواسطة ساكب الحرف (المشاركة 403833) صح لسان الشاعر سلطان الهاجري والمنشد الرائع سلمت اخوي ابن مصاول الميزاني على نقلك المميز وش السالفه متهيض على الشيلات هاليومين ههه دمت بود