من الذهب كتبت جزل المثايل=وبالعقل والتمييز فالشعر ظافر
ولاأخاف لو الشعر ليل وقوايل=تحت سماه آمشي وبأرضه مسافر
وآقف للصعب القاف وقفة صمايل=ويطيع لو إنه مشرّد ونافر
وآصخره في مدح قحص الآصايل=أحكي من الواقع في بيض الخنافر
ومن محكم التنزيل جبت الدلايل=من سورة(ن)نزلت بصمّ الحوافر
وآكيد تدرون النبي ويش قايل=الخير معهن لين يوم التنافر
خيل العرب ذولاء وخيل الاوايل=من ركضهن كم جندلن راس كافر
فرسانهم تلقاء إخصماهم قتايل=وآسيرهم تلقاه وسط المخافر
وكم وادي(ن)من دمّ الآخصام سايل=يشهد لهن عفر الخصيم المعافر
ليا صاح راكبها وشبّت فتايل=ترسي بصلب المعركه فوق حافر
فضلهن المعبود منشئ المخايل=منزل(ن)سورة تبارك وغافر

المشاركة الأصلية كتبت بواسطة مواعيـ سراب ـدك (المشاركة 403734) خيـل العـرب ذولاء وخيـل الاوايـل من ركضهن كم جندلـن راس كافـر فرسانـهـم تلـقـاء إخصمـاهـم قتـايـل وآسيـرهـم تلـقـاه وســـط المـخـافـر صح لسانك يافايز الشيب .. كفيت وفيت .. ابيات جميله ورائعه ومميزه بيض الله وجهك .. ويعطيك الف عافيه .. وبنتظار كل جديد منك