ياصدر كبّ الزعل وادّله عن الضيقه=واصبر وخلك مع الايام صبّاري
هذا زمان(ن) تعبنا مع طواريقه=وإن جيت آبا آوصّفه ضاعت به افكاري
واليوم آبا أسجّ تغريبه وتشريقه=ويارب بعد العسر تأتي باليّساري
الحر يشهر ليا فكت مسابيقه=والرزق عند الكريم الخالق الباري
ناديت آبا العز والفرحه بتصفيقه=وعيّت فزوعي تكمّل معي مشواري
ومن بعدها مايفيد الراس تدنيقه=آبا أرفع الراس لين آمد الانظاري
خلّ المعلق يذيع بكل تعليقه=بكره تبين النجوم ويسري الساري
يقولها اللي عسيرات(ن)مناطيقه=شاعر وغيره من انحاءالكون شعاري

المشاركة الأصلية كتبت بواسطة مواعيـ سراب ـدك (المشاركة 421158) صح لسانك يافايز وبيض الله وجهك على القصيده المميزه لاهنت يذيبان ويعطيك الف عافيه .. وبنتظار جديدك

المشاركة الأصلية كتبت بواسطة علي حميدان الدجيما (المشاركة 421149) صح الله لسانك يالشيب

المشاركة الأصلية كتبت بواسطة ابن الشاعر (المشاركة 420829) الله الله صح لسانك واعتلى شعرك وشانك يافايز تميز دائم وحضور ملفت لك الود ياصاحبي .

المشاركة الأصلية كتبت بواسطة أبن مصاول (المشاركة 420809) صح لسانك اخوي فائز وقصيدة مميزه , ووساعة الصدر مطلوبه والواحد لو يبي يلاحق الكلام وأنا أخوك ما خلص , ويقول المتنبي : لو كل كلب عوى القمته حجراً,,لأصبح الصخر مثقالاً بدينارِ يعني عش الحياة ولا تهتم للمعلقين