ياحرف قل للزين يمهل جنابي=ابغى دموعك تكتبه في غيابه
بكتبك واكتب بالمحبه كِتابي=حرف الغلا فايح بْصفحة كِتابه
ودي يجيني يوم واشرح صوابي=ويحس في قلبي وقالب عذابه
يْشوف حبه كيف صده عثا بي=جسمي نحيل ٍ والنحاله صوابه
تحت مليل الوصل جمرة عذابي=الجوف يطبخ شوق حب ٍ سطابه
جند المشاعر استحلت شبابي=واستوطنت بالقلب صورة جنابه
اتخيل أيـــــــامه وتفصيل مابي=عطر ٍ تْغرّد ريحته في هلابه
ازعّله وارضيه واكتب عتابي=ومن زود مااحبه محيت الكتابه
هو منبع لْْعِطري تغنّا ببابي=فوّاحة ٍ فاحت بداخل ثّيابه
له الوفا بنك ٍ وصدره حسابي=وايدعت من بنكي بْخزنة حسابه
وليا عتب فاحت تغاريد مآبي=مآبه ومابي من قوارير مآبه
موجة رحيله عوقها في ذهابي=في سرعة المشوار صار التشابه
ودّعت قلبه حول قوسين قابي=قلبي وطن ماغيره احد ٍ مشابه
من عقبها بقيت لغز بْْحسابي=كني سؤال ٍ مالقوا له اجابه
مغمور في بحر المحبه جوابي=غرقان يرجي بالسواحل ترابه
اخطى على قلبي ونطّق خطابي=خلاّ فؤادي كل حزن ٍ زهابه

صح لسانك يابو ريان
تحفه جديد
لا اجد فيها غير الابداع والتميز
.

المشاركة الأصلية كتبت بواسطة ابن الشاعر (المشاركة 432451) صح لسانك يابو ريان تحفه جديد لا اجد فيها غير الابداع والتميز .

يــــا هلا بإبن الشاعر

صح بدنك ياصاحبي يكفيني مرور هذه القامه المتميزه خلقاً وشعراً


إحترامي

المشاركة الأصلية كتبت بواسطة أبن مصاول (المشاركة 432455) صح لسانك يا أبو ريان والقلب دائماً أخضر ما شاء الله عليك وقصيدة رائعة جديده ولا شئ غير الإبداع

صح بدنك ملاييييييييين ياصاحبي
مرورك له رونقه الخاص

المشاركة الأصلية كتبت بواسطة مواعيـ سراب ـدك (المشاركة 432820) صح لسانك اخوي ابن عمار على القصيده الجزله ويعطيك الف عافيه .. وبنتظار كل جديد منك

صح بدنك ملاييييييييييين ويعافيك المولى ياصاحبي
وفخراً لي أنك من المتابعين

المشاركة الأصلية كتبت بواسطة ملكة القوافي (المشاركة 432833) مغمـور فـي بحـر المحبـه جـوابـي غرقـان يـرجـي بالسـواحـل تـرابـه صح لسانك أخوي صالح بن عمار

صح بدنك غاليتي ملايييييييييين
مرورك محط إهتمام دائماً