لا تحسبني سالي(ن) عنك لو غبت=مفتون حبك لو إنك بعيدي
انته بعيدي وداخل الفكر مازلت=عندي خيالك يالغزال الفريدي
ما تدري إنك في عذابي تسببت=انا اتعذب وانت وش تستفيدي
تبطي جروح(ن) جاتني منك ماطبت=تبقى على طول الزمن ماتبيدي
وشلون في قلبي سكنت وتمكنت=في حبكم مفتون وانته عنيدي
اشكي عليك الهجر يومك تمعنت=اشكي عليك الهجر وانته تزيدي
من شاف حالي بعدكم قال لي شنت=قلب(ن) هواك يلين لو هو حديدي
اضحك على العشاق واليوم ايقنت=الحب تاريخه قديم وجديدي
قلبي يقول انساه واقول له احسنت=يقول كب الحب تبقى سعيدي
لكن عيا القلب ينسى هواء البنت=انا انصح لكن عيا يحيدي
ان طعتني يا قلب هون بعد شبت=سنك كبير وصار عندك حفيدي
عود علي وقال لي شبت حتى انت=من طاول الايام لازم يبيدي
بصري قتيل الحب ولا انت وش كنت=هون على الحجه ورد النشيدي
انا اتعذر منك يا قلب لا هنت=تعبت من نصحك وعيا يفيدي

وسلامتكم

المشاركة الأصلية كتبت بواسطة جـبـرالـخـواطـر (المشاركة 454184) صح لسانك ولاهنت يامسند قصيده مليئه بالجمال والجزاله .. بأنتظار جديدك

المشاركة الأصلية كتبت بواسطة الحميدي بن فارس الميزاني (المشاركة 454189) صح لسانك يابو نافع على هذه الغزليه

المشاركة الأصلية كتبت بواسطة الفارس (المشاركة 454216) صح لسانك ملايين يابو نافع وانا كان عندك قصايد غزلية غيرها لا تبخل علينا ..

المشاركة الأصلية كتبت بواسطة أبن مصاول (المشاركة 454229) صح لسانك يا أبو نافع ..والقلب خضر ...القلب خضر